Use of drugs in medicine and prophetic medicine

ادویات میں نشہ کا استعمال اور طب نبوی

استخدام الأدوية في الطب والطب النبوي

سنخن ہائے گتفنی۔

اللہ تعالی جس سے جو کام لینا چاہے اور جب لینا چاہے اور جس مقدار میں لینا چاہے اس کے لئے اسباب و ہمت پیدا کردیتا ہے۔گو انسان سمجھتا ہے یہ کام میں کررہا ہوں ۔مگر وہ کام اس سے لیا جارہاہوتا ہے۔ سعد طبیہ کالج برائے فروغ طب نبویﷺ کی بنیاد رکھتے وقت وہم بھی نہ تھا کہ اللہ تعالیٰ  میدان طب میں اس قدر کام لیگا۔

سعد طبیہ کالج برائے فروغ طب نبوی کا قیام

سعد طبیہ کالج برائے فروغ طب نبویﷺ کاہنہ نولاہور کی بہترین کارکردگی کا سہرا میرے بیٹے سعد یونس مرحوم کے سر ہے، وہ ہمیں بیس سال 9ماہ کی قلیل عمر (تاریخ پیدائش یکم جنوری 2000ء تاریخ وفات26 ستمبر 2022) میں ایسا کام کرگئے کہ آج ان کے لئے صدقہ جاریہ بن چکا ہے۔ وہ کم عمری میں اتنا کچھ کرگئے جس کی آرزو کم کم لوگوں کو ہوتی ہے۔

سعد یونس (BBA. سال سوم کے طالب علم ۔وہ ویب ڈویلپر۔گرافکس ڈزائنر تھے ان کی وفات کے ٹھیک 20 دن بعد CSS میں کامیابی کا لیٹر موصول ہوا۔لیکن اب یہ لیٹر ہمارے کسی کام کا نہ تھا۔ہماری دنیاوی امنگ ختم ہوکر رہ گئی تھی، اللہ کی رضاء کے سامنے سر تسلیم خم کے علاوہ چارہ کار نہیں۔
میری ساری کتابوں کو قابل اشاعت بنانے اور انہیں ویب سائٹس پر اپلوڈ کرنے کا ذمہ انہی کا تھا۔سر ورق پر ان کا نام بطور ڈزائنر لکھا ہے۔لیکن اس مواد کو کتابی صورت میں دیکھنا اور آپ تک پہنچنا انہیں کی سعی مشکور ہ ہے۔

لمبی زندگی کے لئے زیادہ جینا ضروری تو نہیں ہوتا۔کم عمری میں بھی وہ کام کئے جاسکتے ہیں جنہیں لوگ بڑی بڑی عمروں میں بھی نہیں کر پاتے۔وہ اکثر کہا کرتا تھا کہ میں ایسے کام کر جائونگا کہ لوگ مجھے یاد کریں گے۔ان کی باتوں کو بچپنا سمجھ کر نظر انداز کردیتے تھے،لیکن وہ حقیقت کہتا تھا،اسے وقت کا ضیاع بالکل پسند نہ تھا،
یکم جنوری2022 کو اس نے اپنی سالگرہ کے موقع پر ایک ادارہ

“سعد میو ورچوئل سکلز قائم کیا تھا۔

اس نے بہت کام کیا،اپنی عمر سے بڑھ کر کام کیا،ایک نصاب فری لانسننگ اور انٹر نیٹ ارننگ کا ترتیب دیا۔نادار و غریب بچوں کو مفت میں تعلیم و تربیت دیتا انہیں یونیورسٹی سے فارغ ہوکر پڑھاتا۔تربہت دیتا ۔وہ کہا کرتا تھا،ابو جی اگر ایک بچہ بھی میری وساطت سے کام کرنے لگا اور اپنے گھر والوں کی کفالت کا ذمہ اٹھا لیا میں سمجھونگا اپنی زندگی کا مقصد پورا کرلیا۔دنیا سے جانے کے بعد جب لوگوں کے فون آئے اور پاکستان سمیت عرب ممالک،ایران امیریکہ،لندن۔ افغانستان ،ہندستان غرض کہ اکثر و بیشتر ممالک سے تعزیتی پیغامات ملے تو معلوم ہوا کہ اس کا دائرہ احباب دنیا بھر میں پھیلا ہوا تھا۔لوگ دعائیں دیتے تھے کہ سعد بھائی نے ہمیں ہنر سکھایا آج ہم اپنے گھر کے اخرجات پورے کرنے کے علاوہ،بہترین ارننگ کررہے ہیں۔

وہ ویب ہوسٹنگ۔ڈومین پرچیزنگ کاکام کرتاتھا ۔نادار لوگوں کو بسا اوقات اپنی جیب سے خرید کر دیتا۔پھر خوشی سے بتاتا کہ ابو جی میں نے فلاں کو ڈومین ہوسٹنگ لیکر دی تھی اب وہ کمانے لگاہے، اس نے دعا کے ساتھ مجھے انعام بھی بھیجا ہے۔مجھے حیرت ہوتی کہ کم عمر ی میں یہ کیسی سوچ رکھتا ہے؟ اس کی سوچ بڑی تھی ارادہ پختہ تھے،لیکن ناوک تقدیر ایسا نشانے پر لگا کہ سب دھرے کے دھرے رہ گئے۔جب کوئی اس کے پاس سیکھنے کو آتا وہ غور سے جائزہ لیتا کہ یہ کیا کرتا ہے اگر وہ گیم۔گانے ڈرامے ،خبریوں کو میں دلچسپی لیتا تو اسے فارغ کردیتا کہ اسے اپنے وقت کا احساس نہین ہے یہ کام یاب نہیں ہوگا۔جب میں خبریں ستنا تو وہ ناگواری سے دیکھتا اور اپنی والدہ محترمہ سے کہتا کہ ابو وقت ضائع کررہے ہیں،زندگی کم ہے پھر اسے ضائع کررہے ہیں؟۔اس کی جدائی نے میری کمر توڑ دی ہے۔ میں تمام پڑھنے والوںسے ان کی مغفرت و بلندی درجات کے لئے استدعا کرتا ہو۔اللہ اپنی رحمت شامل حال فرمائے۔آمین

یلوح الخط فی قرطاس دھر.و کاتب رمیم فی التراب…
شیخ عبدالقادر

ورق پر لکھے ہوئے الفاظ ہمیشہ یادگار ہوجاتے ہیں.چاہے لکھنے والا زمین میں مدفون ہوجائے.

(غم ذدہ باپ)۔حکیم المیوات ،قاری محمد یونس شاہد میو(22 دسمبر2022 بروز جمعرات)
منتظم اعلی سعد طبیہ کالج برائے فروغ طب نبوی کاہنہ نو لاہور

نیچے دیے گئے ٹیبل سے

ادویات میں نشہ کا استعمال اور طب نبوی

کتاب ڈاؤن لوڈ کریں۔

پی ڈی ایف ای بک کے بارے میں مختصر معلومات
ادویات میں نشہ کا استعمال اور طب نبوی	:کتاب کا نام
۔حکیم المیوات ،قاری محمد یونس شاہد م	:لکھاری / مصنف
اردو	:زبان
(ُPdf)پی ڈی ایف	:فارمیٹ
54.1 MB	:سائز
172	:صفحات