چوتھی کونٹ ۔رائو تحسین میو لاہور بار کی سیٹ۔
حکیم المیوات قاری محمد یونس شاہد میو،
میوقوم انگڑائی لے ری ہے اور اپنا حقوق چھین ری ہے۔زمانہ کا دریا میں اپنی شکل دیکھ کے یائے پتو چل رو ہے بکری نہ بلکہ ای تو شیر کو بچہ ہے۔۔
بچپن میں دادی ،نانین سو کہانی سُنے ہے ۔بڑی بوڑھی بات کہوے ہی۔تو سارا بچہ دھیان اوڑپاس بیٹھ کے بڑا خلوص سو سنے ہا۔اُن باتن میں کچھ ایسی بھی بات رہوے ہیں شہزادہ شکار کھیلن جاوے ہوتو واسو جہو جاوے ہو کہ تین نُکرن میں جائیو چوتحی کونٹ مت جائےنہیں تو پتھر کو بن جاگو۔
میوقوم کا سپوت اب چوتھی کونٹ جاکے بھی شکار کھیل را ہاں۔کوئی صوبائی میں الیکشن لڑو ہے تو کوئی قومی اسمبلی میں لٹھ گاڑی کھڑو ہے۔۔ہم کال ایسامیو سپوت نوجوان وکیل سو ملِن گیا جانے لاہور بار کی سیکرٹری شب جیت لی ہے۔سکرٹی شپ کہا ہے ایک شیر نے خطرناک جنگ جیتی ہے۔عام کونسلر کی سیٹ جیتنو بھی بھاری ہے،پھر لاہور بار جو وکیلن کو گھونسلہ ہے اور وکیل وے چیل رہوا ہاں جن کاگھونسلہ میں ماس نہ رہوے ہے۔ان کے پئے سو 2024۔2025 کی سیکرٹری شپ چھین لی۔یا سیٹ کے مارے جھُج کرتے کرتے دھولا آجاواہاں۔رائو تحسین میو نے چھوٹی سی عمر میں جیت لی۔اللہ یا جوان میو کی حفاظت فرمائے اور نظر بد سو بچائے
یا میں کوئی شک نہ ہے کہ ای سیٹ ایم این اے کی سیٹ پے بھاری ہے۔ جب ہم نے ان کی جیت کو سُنو تو اپنے آپ مبارک باد دینا کے مارے پائوں اٹھتا چلا گیا۔۔
راؤ تحسین شریف کی جنرل سیکرٹری لاہور مبارک دی۔
سردار افضل میو ۔
قاری حکیم المیوات قاری محمد یونس شاہد میو،
مشتاق احمد میو امرالیا،
حافظ جاوید میو
تنویر الحسن میو ایڈوکیٹ
عمران بلا میو
شوکت علی میو ایڈوکیٹ
شکر اللہ میو صدائے میوات نے
سعد ورچوئل سکلز کا مہیں سو پھولن کو گلدستہ پیش کرو۔
ای گلدستہ رائو محمد شریف میو(والد محترم رائو تحسین) نے وصول کرو۔
رائو شریف میو زندہ دل انسان ہے ۔ان سو مل کے ایسو لگے ہے کہ کائی نگوٹیا سو مل راہاں ،رائو شریف نے زور دے کے کہو تم ہمارا نامن کے ساتھ میو کیوں نہ لکھو ہوَ کہا ہم نے تم میو نہ سمجھو ہو؟
رائو تحسین سو نہ مل سکا لیکن واکا باپ رائو شریف نے جا انداز سو ملاقات کری دِل خوش ہوگئیو۔اب ایسو لگے ہے کہ میون نے چوتھی کونٹ دھونڈلی ہے ۔ایسی نونٹن میں آتاجاتا رہینگا۔
