میو قوم کی نفسیات ۔ ترقی کو نعرہ، لیڈر ن کو قوم گٹھڑی پے قبضہ۔2
کچھ حقائق جو صرف تمثیلی طورپے بیان کرا جاسکاہاں ؟۔
حکیم المیوات قاری محمد یونس شاہد میو۔
گذشتہ سے پیوستہ۔
دکان میں مندو چل رو ہے،میری عمر بھی کافی ہوچکی ہی ،اولاد کو بھی کوئی بھروسو نہ ہے۔یامارے تو،کہیں اور جاکے اپنی امانت دھر دے۔
میرو توکو مشورہ یہی ہے۔انسانی نفسیات ہے جب کائی چیز سو روکو جائے تو واکی حرص ابھر کے سامنے آوے ہے۔
بوڑھا نے سمجھی کہ ایک تو یاکی شکل و صورت نیکن والی ہے۔اوپر سو یاکا خیالات بھی اچھا ہاں ۔محتاط بھی ہے۔یاسو بہتر آدمی نہ مل سکے گو۔۔
۔بوڑھا نے حاجی کا پائوں پکڑ لیا کہ، موئے نہ ہے پتو ،توئے میری امانت دھرنی پڑے گی۔۔
۔۔حاجی صاحب کی تسبیح میں جان آگی۔۔ایک ای بار بار میں کئی کئی دانہ گرن لگا۔آنکھن میں چمک پیدا ہوگی۔چہرہ پے رونق آگی۔۔
۔دونوں ایک دوسرا کا فریب میں پھنس چکاہا۔۔۔امانت دھرلی گئی۔بورھو بھی امانت دے کے راضی۔ حاجی صاحب امانت لےکے راضی۔
۔ حاجی صاحب کا ،کانن پے کے ہانسی جاری ہی ۔۔۔
کچھ عرصہ بعد بوڑھو اپنی امانت یعنی دَھرور لینا کے مارے آئیو تو۔
۔حاجی صاحب ایسے ہی داڑھی میں تیل لگاکے۔۔نہادھوکے۔۔تسبیح ہاتھ میں پکڑی بیٹھو اور بگلا کی طرح آنکھ بند کرکے مراقبہ میں بیٹھو ہو۔۔
۔بوڑھا نے سلام کرو۔۔۔حاجی صاحب نے ہلکی سی آنکھ کھولی۔۔کویان میں کے ۔بوڑھو دیکھو۔
۔موڑ تو ۔وائے دیکھتے ای خراب ہوگئیو ہو۔۔۔لیکن ظاہر نہ ہون دیئو۔۔۔مراقبہ میں آنکھ موندھی بیٹھو رہو۔۔
۔جب آنکھ کھولی تو بوڑھا نے اپنی دَھرور واپس مانگی۔۔۔
۔حاجی صاحب کی آنکھن میں جلال کا سرخ ڈورا ابھر آیا۔۔۔اور ناگواری سو کہن لگو۔۔۔کونسی ۔امانت؟۔
۔میں نے تو پہلی بار دیکھو ہا۔۔۔چل اپنو کام کر۔۔بوڑھا نے بھُتیرا ترَلا کرا کہ میں فلاں ہوں ۔۔۔وادن میں اپنی دھرورو دھر کے گئیو ہو۔
۔۔نشانی بتاکے یاد دلوانو چاہو۔۔۔لیکن نیت کھوٹی ہی۔۔۔حاجی صاحب تو ٹھگن کو سرادر ہو۔۔وا۔ یونین کو سر غنہ ہو۔
۔جانے ٹھگ یونین کو الیکشن لڑو ہو۔۔۔اور۔۔ وانے سال ہا سال کو تجربہ حاصل کرو ہو۔۔۔
بوڑھا کے دھکا مار و۔۔دوکان سو باہر نکال دئیو۔۔
۔بازار کا جتنا ٹھونڈا اور سرغنہ لوگ ہا۔۔سبن نے حاجی صاحب کا حق میں ووٹ دئیو۔
۔بوڑھو اپنی جمع پونجی ۔۔ٹھگواکے بھی ۔۔قصوروار ٹہرو۔۔۔۔بوڑھو غریب آدمی ۔۔کہا کرسکے ہو۔۔
۔روتو۔۔روتو۔۔دوکان سو برنکل کے بازار میں کھڑو ہوگئیو۔۔۔بوڑھا کی ساری عمر کی محنت کی کمی ٹھگی جاچکی ہی۔۔آنکھن کے آگے اندھیرا ہو۔۔
۔کیونکہ امانت ۔حاجی صاحب نے مومن صورت دکھاکے۔۔اور مکارانہ ذہنیت لگاکے۔۔بوڑھا اے لوٹ چکو ہو۔۔
بوڑھا چار چار آنسون سو رو۔رو۔ہو۔۔
وائی بازار میں تین بھبے کوٹنی۔بھی اپنی مار پے نکلی ہوئی ہی۔۔۔کیونکہ ای بازار ۔ٹھگن کو ہو۔
۔۔اُنن نے بوڑھو ۔۔روتو دیکھو۔۔ترس آئیو۔۔اور بوڑھا کے پئے جاکے ۔۔رونا کو سبب معلوم کرو۔۔
۔غریب بوڑھا نے اپنی ساری بھتا ایک سانس میں سُنادی۔۔۔۔
ان تینون نے دُکھ بھری کہانی سُن کے۔۔ایک دوسری مہیں دیکھو۔۔۔اور بوڑھا سو کہن لگی۔۔بابا تینے ۔۔کرو تو بہت غلط ہے۔۔
۔لیکن ہم ایک کوشش کرکے دیکھ لیواں ۔
۔ممکن ہے۔۔کوئی ایسی شکل نکل آوے کہ۔۔تیری دھرور واپس توکو مل جائے۔۔۔۔
۔بوڑھو سمجھائیو ۔۔جب ہم میں سو ایک۔توکو اشارہ کرے۔۔۔اور ہاتھ میں رومال لیکے۔لہرائے۔۔تو اپنی امانت واپسی کو تقاضو کرئیو۔۔۔
وے تینو ں ۔۔ہوں سو ایک گھاں کو ہوکے۔۔پلان بنان لگی۔۔۔
ان میں سو ایک مالکن بنی۔۔جانےاچھو اور قیمتی لباس پہن راکھو ہو۔۔۔
۔دوسری۔واکی لونڈی بنی۔
۔تیسری۔۔۔گھر کی خادمہ بنی۔۔
۔اب ۔ان کو ڈرامہ شروع ہوئیو۔۔۔
۔نوکرانی تو دور چلی گئی ۔۔مالکن اور لونڈی گھوم پھر کے حاجی صاحب کی دکان کے آگے پریشانی کی صورت بناکے
کدی نوں کو جائے ۔۔کدی اِت کو نکل جائے۔۔۔جو لونڈی بنی ہی ۔۔وائے سمجھائے ۔۔کہ ۔کوئی بات نہ ہے۔۔سب ٹھیک ہوجائے گو۔۔
۔لیکن مالکن۔مزید پریشانی کو اظہار کرے۔۔۔اور تلملانا کی ایکٹنگ کرے۔۔۔
۔نولو۔۔حاجی صاحب بھی آنکھ کا کویان میں کے دیکھ رو ہو۔۔
۔پھبے کٹنی بڑی مکاری سو ۔۔بےچینی کو اظہار کرری ہی۔۔
۔میں گھر نہ جاسوں ۔۔موئے اپنی جان پیاری ہے۔۔۔کائی نے میرو گلو کاٹ کے ساری دولت لوٹ لی تو میں کہا کرونگی؟۔۔
۔میں نے کد واسو کہی ہی ۔۔کہ اتنی ساری دولت اے میرے پئے چھوڑ کے جائیو۔۔
۔نوکرانی کہن لگی۔۔کوئی اندھیر نگری تھوڑی ہی ۔۔۔جو توئے کوئی نوں مار جائیگو۔۔۔
اشرفین کو توڑا تو۔۔۔زمین میں داب راکھو ہے ،،کائی اے کہا پتو۔۔۔لیکن مالکن کا ٹسوا بند ہونا کو نام نہ لے راہا۔۔۔۔۔۔
حاجی صاحب ساری باتن نے غور سو سُن رو ہو۔۔
۔لمبی تسبیح لے کے ننگا پائوں ۔۔ان ٹھگنین کے پئے پہنچو۔۔اور دلاسو دئیو۔۔کہ گھبرائو مت۔۔دنیا میں اتنی اندھیر نگری بھی نہ ہے۔۔۔
ماکن کہن لگی ۔۔بابا توئے پتونہ ہے ۔ ۔۔میں نے بہت سمجھائیو ہو۔۔
کہ اشرفین کی تھلین نے میرے پئے مت چھوڑ کے جاکر۔۔۔میری کہاں سنے ہے؟۔۔۔
دوسری ٹھگنی ۔۔واکا آنسون نے صاف کرتے ہوئے کہن لگی۔۔
بابا جی ای تو۔۔ نوئیں پریشان ہوری ہے۔۔یاکو خاوند۔۔تاجر ہے۔۔بڑا بڑا تجارتی قافلہ نے ساتھ جاوے ہے۔۔
منافع کا سارا پیسہ۔۔گھر میں لادھرے ہے۔۔۔
ابھی پچھلا مہینہ۔۔وانے دو توڑا اشرفین کا لاکے گھر میں دابا ہا۔۔۔کائی اے بھی پتو نہ ہے۔
۔۔ای تو نوں ای پریشان ہوری ہے۔۔۔کہ کوئی موئے مار جائے گو۔۔اور ان اشرفین نے لے جائے گو۔۔
۔اب ۔۔بابا کی آنکھن میںمکاری چمک ابھری۔۔چہرہ پے عیاری کی مسکراہٹ۔۔
۔کہن لگو۔۔بیٹی ای دنیا اچھا لوگن سو خالی نہ ہوئی ہے۔۔۔تو میرے پئے۔۔اپنی امانت دھروادے۔
۔جب تیرو گھر والو آجائے تو اپنی امانت واپس لے جاوئیو۔۔
۔لوہا گرم ہوچکو ہو۔۔۔پھبے کوٹنی نے جیب سو رومال نکالو۔۔اور چپکے سو۔۔لہرا دئیو۔
۔بوڑھو سارا ماجرا اے دیکھ رو۔۔۔بھگو آئیو۔۔اور اپنی امانت مانگی۔۔
حاجی صاحب نے کمال مکاری سو کام لیتے ہوئے خندہ پیشانی سو جواب دئیو۔۔اُو ۔۔ہاں ۔بھائی تیری امانت میرے پئے دھری ہے۔۔
بیٹا کو آواز دی۔۔بیٹا ۔۔بابا جی امانت دَھری ہے۔۔۔واپس کردے۔
۔ساتھ میں کچھ مزید رقم بھی دیدے۔۔غریب آدمی ہے۔۔۔۔
فورا ۔امانتبوڑھا کے سامنے لادھری۔۔۔اضافی رقم بھی ساتھ ملی۔۔بوڑھا نے گٹھڑی سنگوائی۔۔اور۔۔دوڑ لگا دی۔
۔۔کام پورو ہوچکو ہو۔۔۔تیر نشانہ پے پھٹ بیٹھ چکو ہو۔۔۔
ابھی بات چیت جاری ہی کہ۔۔۔تیسری پھبے کوٹنی ۔۔دوڑتی ہوئی آئی۔۔
کہ مبارک ہوئے۔۔مالک رات کو گھر واپس آگو ہو۔۔اب ڈرن کی کوئی ضرورت نہ ہے۔۔۔تینوں خوشی میں مگن ہوکے ناچن لگی۔۔
۔تینوں ناچ ری ہی۔۔۔حاجی صاحب نے بھی تسبیح پھینکی۔۔ان کے ساتھ ناچنو شروع کردئیو۔۔۔
ان میں سو ایک نے ۔۔حاجی صاحب سو پوچھو۔۔
حاجی صاحب ۔۔ایک کو تومالک واپس آئیو ہے۔۔دوسری یامارے ناچ ری ہے واکو۔خاوند واپس آئیو ہے۔۔
لونڈی یامارے ناچ ری ہے کہ ۔۔مالکن کی پریشانی دور ہوئی۔۔۔تو کائیں کو ناچ رو ہا۔؟۔۔۔
حاجی صاحب کہن لگو۔۔۔ساری زندگی دھوکہ دہی۔۔۔ٹھگ بازی۔۔اور دو نمبری میں گزاری۔۔۔
لیکن ایسو تھوک آج تک کائیں نے نہ لگائیو ہے۔۔۔
میں یامارے ناچ رو ہوں ۔۔کہ میری غلط فہمی دور ہوگئی کہ دنیا میں موسو بڑا فنکار بھی دنیا میں پایا جاواہاں ۔۔۔
ان کہانین کو میو قوم کی حالیہ تاریخ۔۔اور ہنگامان سو کوئی تعلق نہ ہے۔۔کوئی بھی کردار اتفاقیہ مماثلت کر جائے تو۔تو واکو ذمہ دار نہ ہے۔۔
باقی کل لکھونگو۔۔۔۔
