پہلی جنگ آزادی میں میووں کا حصہ

August 10, 2023
- No Comments

پہلی جنگ آزادی میں میووں کا حصہ

میوات کا علاقہ

میوات کا علاقہ ۱۸۵۷ کے وقت بنگال پریسیڈنسی کے نارتھ ویسٹ پر اونس کے دہلی ڈویژن کا حصہ تھا۔ اس کا ایک بڑا علاقہ گوڑ گاؤں ضلع میں آتا تھا۔ یہ علاقہ خاص طور پر ۱۸۵۷ کے غدر میں میو عوام کی جانبازی اور بہادری کا چشم دید گواہ رہا ہے۔ یہ عالم انسانیت کی تاریخ میں پہلی بار ہوا تھا کہ سارے کے سارے میوات کے گاؤں کے لوگوں نے انگریزی ظلم وستم کے خلاف علم بغاوت بلند کیا ہو اور اپنی سرزمین سے ان کی حکومت کو نیست و نابود کرنے کی کوشش کی ہو۔ ان کے اس کام کیلئے انکو دُنیا کے سب سے زیادہ مہذب کہے جانے والے لوگوں کے ہاتھوں بہت ہی گھناؤنے اور تباہ کن ظلم وستم کا سامنا کرنا پڑا جس کا پورے ہندوستان کی تاریخ میں کوئی جواب نہیں۔

میو حریت پسند قوم

میو جو ایک حریت پسند قوم ہے پرانے زمانے سے کاشتکاری ہی ان کا پیشہ رہا ہے۔ کئی سالوں سے یہ قوم انگریزی سرکار کی نظام برتری اور ظلم وستم کے شکار تھے۔ وہ

اپنے ہی گھر میں اور اپنی ہی زمین پر غلامی کی زنجیروں سے جکڑا ہوا محسوس کر رہے تھے اور جب بھی انہیں غلامی سے نجات پانے کا موقع ملا وہ اس میں کود پڑے۔
1835 اور1857 کی جنگوں کا باہمی ربط
اس کی تاریخی مثال ۱۸۳۵ کی ہے جب میووں نے انگریزوں کے خلاف ایک نا کامیاب کوشش کی تھی۔ اس میں کوئی شک نہیں کہ اس سازش میں فیروز پور جھر کا کے نواب شمس الدین سیدھے طور پر ملوث تھے لیکن کریم خان اور انیا میو نے انگریز ایجنٹ ولیم فریزر کو مارنے میں نواب کا ساتھ دیا تھا جس میں نواب اور کریم خان

کو پھانسی ہوئی تھی۔

ہندستان کی جنگوں میں میوات کا کردار

اسکا پورے میوات پر گہرا اثر پڑا اور یہ بھی ایک وجہ تھی جس میں ۱۸۵۷ء کے دوران پورے میوات کے لوگوں نے اپنی ساری طاقت انگریزی سامراج کیخلاف جھونک دی(تاریخ میو چھتری442)۔ جب ۱۸۵۷ء میں جنگ آزادی کی شروعات پہلے میرٹھ اور بعد میں دہلی سے ہوئی تو تقریباً ۳۰۰ مجاہدین آزادی جو تیسری ہلکی گھوڑ سوار فوج سے تعلق رکھتے تھے، نے ۱۳ مئی ۱۸۵۷ء کو گوڑ گاؤں پر حملہ کر دیا۔
اس وقت گوڑ گاؤں کا کلکٹر اور ضلع مجسٹریٹ ولیم فورڈ نے پٹودی کے کچھ سواروں کی مدد سے بجو اسن گاؤں کے قریب انہیں روکنے کی کوشش کی لیکن کامیاب نہیں ہوا کیونکہ اس وقت تک مجاہدین کے ساتھ بہت سے مقامی میو، جاٹ اور اہیر شامل ہو گئے تھے۔
مجاہدین کا مقابلہ نہ کر پانے پر فورڈ بھونڈی، پلول اور ہوڈل ہوتا ہوا متھر ابھاگ گیا۔
گوڑ گاؤں میں مجاہدین کو ایک بڑی رقم (۷۸۴۰۰ روپئے) (کے،سی یادو ہریانہ اتہاس1یومسنسکرتی حصہ2 نئی دہلی1992ص105)ہاتھ لگی ساتھ ہی ہتھیاروں کا بڑا ذخیرہ بھی ہاتھ لگا۔ مجاہدین نے ۲۵ انگریزوں کو ہلاک کر دیا اور سرکاری مالگزاری کے کاغذات کو جلا دیا۔

مجاہدین کا جیل پر دھاوا۔

مجاہدین نے جیل پر بھی دھاوا بول کر سارے قیدیوں کو چھڑالیا۔(3) سارے مجاہدین نے ملکر پورے ضلع کے نظام کو اپنے ہاتھ میں لے لیا اور مغل بادشاہ بہادر شاہ ظفر کو پورے علاقے کا بادشاہ تسلیم کیا ۔
مؤرخ شمس الدین شمس کے مطابق بہت سارے میں مجاہدین نے علی حسن خان میو کی قیادت میں گھا سیٹرا کے قریب فورڈ کی فوج سے لڑائی لڑی اور انہیں ہرا کر متھرا بھاگنے پر مجبور کر دیا۔(4)
۲۰ /مئی ۱۸۵۷ء کو پنھانا، پنگواں ہتھین ، نگینا ، نوح، فیروز پور جھر کا ، رو پڑا کا، کاما، ڈیگ، بھرت پور، دوسا اور الور کے چودھریان نے ایک مہا پنچایت کی اور بادشاہ بہادر شاہ ظفر کو اپنا رہنما تسلیم کیا۔( ۵)
مئی کے آخر تک تقریباً سارے میوات کے دیہات آزاد ہو چکے تھے اور ان کا نظام ان گاؤں کے چودھریان نے سنبھال لیا۔(6)
لیکن اب بھی میوات کے قصبوں میں انگریزوں کے وفادار موجود تھے اور یہاں پر حملے کی ذمہ داری صدر الدین میو نے لی۔
میووں کے جم غفیر کے ساتھ صدر الدین نے خاص طور پر خانزادے اور سرکاری افسران کو نشانہ بنایا۔ ان مجاہدین نے بڑی آسانی سے تاؤڑو، سوہنا، فیروز پور جھر کا، پنھانا اور پنگواں کو اور ان کے نظام کو اپنے قبضے میں کرلیا۔(7)
اوراسے مجاہدین کا مرکز بنایا۔ یہاں مجاہدین میں میو اور گوجر دونوں شامل تھے(9)
۔ نوح میں علی حسن خان میواتی اور بہت سارے ان کے میوسا تھیوں نے حملہ کیا مگر یہاں مقامی پولیس اور خانزادے جو انگریزوں کے وفادار تھے مجاہدین کیلئے کافی مشکلات پیدا کیں ۔ مگر میووں کی تعداد خانزادوں کے مقابلے میں کافی زیادہ تھی اس لئے کامیابی میووں کو ہی ملی اور خانزادے برُی طرح سے ہارے اور کافی تعداد میں مارے گئے ۔( 10)
نوح میں مجاہدین کی جیت نے میوات میں انگریزی حکومت کو پوری طرح ختم کر دیا۔ میوات کے لوگ آزادی پاکر کافی خوش تھے ۔ عورتیں بہادری کے گیت گاتی تھیں۔ ان گیتوں کے بول کچھ اس طرح تھے۔( 11)

میو خواتین کےبہادر ی کے گیت

کد جائیگو فرنگی یا بی رج میں سو۔
چڑیا چڑ نگلا سب مروایا ،
مورا ما رو بڑ میں سو ،
کدَ جائیگو فرنگی یابی رج میں سو”

جنگ آزادی1857 کے میو ہیروز

نصف جون ۱۸۵۷ء میں جے پور ریاست کا سیاسی ایجنٹ ڈبلیو ۔ایف۔ ایڈن چھ ہزار فوج اور سات تو پوں کے ساتھ میوات ہوتے ہوئے دہلی جارہا تھا۔ راستے میں میووں نے اسے بہت تنگ کیا۔ اس لئے ایڈن نے دہلی سے پہلے میوات کو جیتنے کو ترجیح دیا۔(13) میووں نے مہراب خان کی قیادت میں سوہنا اور تاؤڑو کے بیچ میں ایڈن کی فوج پر حملہ کیا جس میں اس کی فوج کے بہت سارے سپاہی مارے گئے ۔( ۱۴)
سوہنا میں ولیم فورڈ ایک فوجی ٹکڑی کے ساتھ ایڈن سے آملا اور دونوں نے پلوں کی طرف کوچ کیا اور وہاں پلول اور ہوڈل میں مجاہدین کے ساتھ لمبے وقت تک ان کی لڑائی چلی -( ۱۵)
یکم جولائی ۱۸۵۷ء کو یہ لوگ دہلی گئے۔ وہاں بھی مجاہدین سے ان کی لمبی لڑائی چلی ۔(16)
اگست میں ایڈن مجبور اور لاچار ہو کر جے پور واپس لوٹ گیا(17)
لیکن وقت کب ٹھہرتا ہے۔ آخر فیصلے کی گھڑی آئی گئی جب پٹیالا ، نا بھا ، جیند اور کشمیر ریاستوں کی فوجوں نے انگریزی فوج کے ساتھ مل کر دہلی پر ۲۰ /ستمبر ۱۸۵۷ء کو دوبارہ قبضہ کر لیا۔ اس نازک وقت میں بھی میوات آزاد ہی رہا اور صمد خان اور ان کے د اما د علی حسن خان کی قیادت میں میووں نے فورڈ کو کئی شکستیں دیں۔( ۱۸)
۱۲/کتوبر ۱۸۵۷ء کو بریگیڈیئر جنرل شاورس کو ۱۵۰۰ کی فوج ۱۸ چھوٹی اور ۲ بڑی توپوں کے ساتھ میوات جیتنے کے لئے بھیجا گیا۔
یہاں شاورس کی مدد گوڑ گاؤں کا اے۔ ڈی سی ۔ کلیفورڈ کر رہا تھا۔ مجاہدین کے خلاف کلیفورڈ کے سینے میں بدلے کی آگ دہک رہی تھی کیوں کہ دہلی کے مجاہدین نے بادشاہ کے لڑکے کی موجودگی میں قلعہ کے سامنے کلیفورڈ کےبہن کے کپڑے پھاڑ کر ننگا کر کے توپ کے پہئے کے ساتھ باندھا تھا؟ اور پھر اس کے ٹکڑے ٹکڑے کر دیا تھا۔( 19)

انگریزوں کے میوات پر ظالم کی انتہا

کلیفورڈ نے میوات میں گاؤں کے گاؤں جلا دیے اور قتل عام کیا۔ یہاں تک کہ عورتوں اور بچوں کو بھی نہیں بخشا۔ (۲۰)
لیکن جب شاورس اور کلیفورڈ نے رایسینا گاؤں پر حملہ کیا تو میواُن پر بھاری پڑے اور کلیفور، سمیت ۶۰ فوجیوں کو ہلاک کر دیا۔ بعد میں گورکھا رجمنٹ شاورس اور فورڈ کی قیادت میں کامیاب ہوئی اور پورے گاؤں کو جلا کر راکھ کر دیا اور لوگوں کا بڑی بے رحمی سے قتل کیا(21 ) ۔ یہاں تک کہ دھارو ہیڑا اور تاؤڑو کے بیچ جو بھی گاؤں آئے سب کو جلا دیا( ۲۲)
سوہنا، ہمتھین اور پلول کے اطراف میں مجاہدین پر غالب ہونے کے بعد شاورس میوات کو کیپٹن ڈرمنڈ کے حوالے کر کے دہلی چلا گیا ۔( ۲۳ ) ڈرمنڈ کے اشارے پر کمایوں رجمنٹ کے ایچ ۔ گرانٹ نے گھا سیٹرا گاؤں پر حملہ بول دیا اور وہاں ایک زبرست مورچے میں ۱۶۰
میو مارے گئے لیکن میووں نے بھی اس سے پہلے مورچے میں انگریزوں کو ہرایا تھا۔ اور کہا جاتا ہے کہ انہیں ننگے پاؤں جھاڑیوں پر دوڑایا تھا۔( ۲۴)
نصف نومبر ۱۸۵۷ء کو ڈرمنڈ کو خبر ملی کہ گاؤں کوٹ اور روپڑا کا کے ہزاروں میو ہیتھن انگریز وفادار راجپوتوں کے ساتھ لڑ رہے ہیں اور ان کا ارادہ پلول پر بھی حملہ کرنے کا ہے۔
اس پر ڈرمنڈ ٹو ہانا ہارسز ، ہڈسن ہارسز کو ماوں بٹالین کے ۱۰۲ فوجی کوک کی قیادت میں پہلی پنجاب انفینٹری کو لیکر رو پڑا کا روانہ ہوا۔ راستے میں اس نے بہت سارے گاؤں پر قبضہ کیا جس میں پچانکہ گوہ پر، مالپوری ، گراکسر، مالوکا ، جھانڈا وغیرہ سرفہرست تھے۔
ڈرمنڈ ۱۹ /نومبر۱۸۵۷ء کو روپڑا کا پہونچا اور وہاں ایک زبردست لڑائی ہوئی جس میں تقریباً ۳۵۰۰ میو شامل تھے۔ اس لڑائی میں میومجاہدین بڑے بہادری سے لڑے مگر ہارگئے اور تقریباً ۴۰۰ میووں کو جام شہادت پینا پڑا ۔( ۲۵ )
رو پڑا کا کے بعد بہت سارے گاؤں جس میں کھلو کا ، گھا سیٹرا، پنگواں، نائی نگلہ، نگینا وغیرہ شامل تھے انگریزوں نے نذر آتش کر دیا ۔( ۲۶)
۲۷ /نومبر ۱۸۵۷ء کو میں مجاہدین نے صدر الدین کی قیادت میں پنگواں پر حملہ بول دیا۔ انگریزوں نے فوری طور پر کیپٹن رمزے اور گوڑ گاؤں کے اے۔ڈی۔سی۔ میکفرسن کے زیر قیادت ایک گورکھا رجمنٹ بھیجا۔ دونوں افواج کی لڑائی مہوں گاؤں میں ہوئی جس میں انگریز کامیاب رہے اور صدر الدین کے بیٹے سمیت ۲۸ میو شہید ہوئے۔
پڑوس کے گاؤں سے بھی انگریزوں نے پکڑ پکڑ کر ۴۲ میووں کو قتل کر دیا۔ اس کے علاوہ شاہ پور، بائی کھیڑا ، کھیڈ لا ، چتوڑہ، نہا ر یکا، گوجر نگلا ، بہری پور ، کھیڑی وغیرہ کو نذرآتش کر دیا۔( ۲۷)
لیکن نوح میں میو مجاہدین نے چودھری ناہر خان کی قیادت میں میکفرسن کی فوج پر حملہ کر دیا اور میکفرسن کو ہلاک کر دیا۔ اس کے بدلے میں انگریزوں نے نوح پر حملہ کیا اور نوح اور پڑوس کے گاؤں کے ۵۲ میووں کے پھانسی پر چڑھا دیا۔ اس کے علاوہ ۴۲ میووں کو فیروز پور جھر کا میں اور ۱۸ کو گہلب میں پھانسی پر لٹکایا گیا۔( ۲۸ )
اگر زبانی بیان بازی پر یقین کریں تو ۲۹ نومبر ۱۸۵۷ء تک ۳۶۰۰ میووں کو شہید کیا گیا جس میں بہتوں کو دہلی بھیج کر مقدمہ چلایا گیا اور پھر پھانسی دی گئی۔ تقریبا ۱۲۰ میوؤں کو دہلی میں پھانسی دی گئی ۔( ۲۹)
1۔نگلی.16 ……
۲ نوح ١۔۔…
-۳- حسن پور …..۲۰
پڑکا…..5
۵- رايسينا ..4….
گوا کار…… 1
۷- جرولی … 1
۸ سلطان پور……۱۰
-۹- اہکھان …. ۴
۱۰ – سيوالی …..2
۱۱- گدرانا ۔….2…
۱۲ ۔ سرائے ….1.
١٣ کھیڑلی … 1
۱۴۔ سوہنا ۱۶۰۰۰۰۰۰
۱۵ کانولی … 1
۱۶ گوڑ گاؤں ۔ 7
۱۷ پلول ۱۰
میں مجاہدین کی یہ قربانی رہتی دنیا تک ہندوستان کی آزادی کی تاریخ میں یاد کی جاتی رہے گی۔

بہادر شاہ ظفر کا یہ شعر میوات کے شہیدوں کے لئے مناسب حال معلوم پڑتا ہے۔
ہوئے دفن جو تھے بے کفن انہیں روتا ابرِ بہار ہے
کہ پڑھتے ہیں فرشتے فاتحہ نہ نشان ہے نہ مزار ہے
۔۔۔۔۔۔۔۔۔۔۔۔۔۔۔۔۔۔۔۔۔
حواشی و حوالے :
۱۔ عبدالشکور، تاریخ میو چھتری ، دہلی ، ۱۹۷۴ ، ص ، ۴۴۲
۲۔ کے سی ۔ یادو، ہریانہ ۔ اتہاس الیوم سنسکرتی ، حصہ ۔ ۲ نئی دہلی ، ۱۹۹۲ ،ص105
۳۔ گوڑ گاؤں ڈسٹرکٹ گز بیٹر ، چنڈ یگڑھ ، ۱۹۸۳، ص۴۰
۴ شمس الدین شمس، میوز آف انڈیا، نئی دہلی ، ۱۹۸۳ ص ۳۱ اور ۳۲
۵ ایضاً ، اور دیکھئے امر اجالا ، ۲۰ نومبر ۲۰۰۴
گوڑ گاؤں ڈسٹرکٹ گز بیٹر ، ص ، ۴۰
۷۔ ۔ بدھ پر کاش گلمپسز آف ہریانہ، کروکشیتر ۱۹۶۲۱، ص ۸۵
۹ خانزادے میووں سے ہی نکلی ایک قوم ہیں مگر وہ خود کو میووں سے زیادہ اونچا سمجھتے ہیں ۔
۱۰۔ کے ۔ سی۔ یادو، ریولٹ آف ۱۸۵۷ء اِن ہریانہ ، نئی دہلی ، ۱۹۷۷ ،
ص، ۵۸ اور دیکھئے تاریخ میو چھتری ،ص ۴۵۵ اور میوز آف انڈیا ، ص ، ۳۱۱
اا۔ تاریخ میو چھتری ، ص ، ۴۵۵
۱۳ ۔ گوڑ گاؤں ڈسٹرکٹ گز بیٹر ،ص۶۱
۱۴- امر اجالا ، ۲۰ نومبر ۲۰۰۴
-۱۵۔ گوڑ گاؤں ڈسٹرکٹ گز بیٹر ،ص ۶۲
-۱۶ ۔ پنجاب ڈسٹرکٹ گز بیٹر ، حصہ ، ۴۔ اے ، ص ، ۲۴
۱۷۔ گوڑ گاؤں ڈسٹرکٹ گز بیٹر، ص ۶۲
۱۸۔ میوز آف انڈیا ،ص ۳۲
۱۹ ۔ گوڑ گاؤں ڈسٹرکٹ گز بیٹر، ص ۶۲
۲۰ ۔ ایضا ، اور دیکھئے میودر پن، اگست ، ۱۹۹۷، ہاشم امیر علی ، دی میوز آف
میوات ، نئی دہلی ، ۱۹۷۰ ، ص ۲۸
۲۱۔ تاریخ میو چھتری ، ص ۴۵۹ اور ۴۶۰
۲۲ ۔ گوڑ گاؤں ڈسٹرکٹ گزیٹر ، ص ۶۲ اور دیکھئے امر اجالا ، ۱۵ اگست،
۲۰۰۵ اور میودر پن، اگست ۱۹۹۷
۲۳۔ ایضاً ص ۶۳
۲۴- امر اجالا ، ۲۰ نومبر ۲۰۰۴
۲۵۔ میوٹنی ریکارڈ کرسپانڈنس ، لاہور، ۱۹۱۱ ، ص ۲۲۹ اور ۲۳۰
-۲۶ – گوڑ گاؤں ، ڈسٹرکٹ گز بیٹر ، ص ۶۴
-۲۸ – امر اجالا ، ۱۵ اگست ، ۲۰۰۵ ۔
۔۲۹ – نیومیوٹا مس، یکم نومبر ، ۱۹۹۴

/Mewati literatureمیواتی ادب

Company

Our Dunyakailm website brings you the convenience of instant access to a diverse range of titles, spanning genres from fiction and non-fiction to self-help, business.