Ocho remedios caseros para perder grasa abdominal

11

Ocho remedios caseros para perder grasa abdominal

پیٹ کی چربی کم کرنے کے آٹھ گھریلو نسخے

ثمانية علاجات منزلية لفقدان دهون البطن

حکیم المیوات قاری محمد یونس شاہد میو

ہوش ربا تیز رفتار زندگی ، فاسٹ فوڈ اور ورزش کی کمی کا نتیجہ پیٹ کی چربی کی صورت میں نکلتا ہے اور اس سے نہ صرف انسان بد ہیئت لگتا ہے بلکہ بڑھا ہوا پیٹ امراضِ قلب، بلڈ پریشر اور دیگر کئی امراض کا پیش خیمہ بھی ہو سکتا ہے اچانک سمجھی جانے والی غیر طبعی کیفیت آہستہ آہستہ جنم لینا شروع ہوجاتی ہیں۔کیونکہ انسانی جسم میں کوئی بھی چیز اچانک نہیں ہوتی۔
طب نبوی طبِ مشرق اور آیورویدک طریقہ علاج میں بڑھتے ہوئے پیٹ کو کم کرنے کی کئی تدابیر موجود ہیں جن پر عمل کرکے پیٹ اور سینے کو ایک حد تک ایک ہی سطح پر لایا جا سکتا ہے لیکن اس میں مستقل مزاجی اور صبر کی ضرورت ہے کیونکہ پیٹ نہ ایک ہفتے میں بڑھتا ہے اور نہ ہی ایک ہفتے میں کم کیا جا سکتا ہے۔ اس کے لیے طبِ مشرق کی یہ ۸ تدابیر بہت فائدہ مند ہو سکتی ہیں۔

1۔*دن کی ابتدا لیموں کے رس سے کریں*
اپنے دن کی شروعات لیموں کے رس سے کیجئے،یا لیموںسرکہ ایک گلاس نیم گرم پانی میں لیموں کا رس شامل کرکے چٹکی بھر نمک ڈالیے اور پی جائیے، اس کا روزانہ استعمال نہ صرف آپ کے جسمانی افعال کو بہتر رکھتا ہے بلکہ رفتہ رفتہ بڑھے پیٹ کو کم کرتا ہے۔

2*سفید چاول سے اجتناب*
سفید چاول کا استعمال کم کر دیجئے اور اس کی جگہ بھورا چاول زیادہ مفید رہے گا۔ اس کے علاوہ براؤن بریڈ، جو، اور دلیے وغیرہ کو اپنی غذا کا حصہ بنائیے جس سے فائبر کی کمی دور ہوگی اور دوسری جانب جربی گھلانے میں بھی مدد ملے گی۔پالش شدہ یا زیادہ ریفائن شدہ چاول اس کا سبب بن سکتے ہیں۔

 

3*شیرینی اشیاء سے پرہیز ضروری*
چینی یاشکر اور اس سے بنی اشیا کا استعمال بند کرنا اگرچہ مشکل ہے لیکن اس سے پرہیز بہت ضروری ہے۔ یاد رہے کہ سافٹ ڈرنکس بھی انہی میں شامل ہیں جو اپنے اندر بہت چینی رکھتی ہیں۔ دوسری جانب شکر والے مشروبات میں تیل موجود ہوتا ہے جو پیٹ اور رانوں سمیت جسم میں کئی مقامات پر چربی بڑھاتا ہے۔

4*پانی کا زیادہ استعمال*
اگر آپ کمر کی چوڑائی کم کرنے میں سنجیدہ ہے تو زیادہ پانی پینا بھی اس کا ایک بہترین ٹوٹکا ہے، پانی خون میں شامل ہوتا ہے اور چکنائی کے سالمات کو گھلاتا ہے جب کہ زیادہ پانی پینے سے بدن کے زہریلے مرکبات خارج ہوتے رہتے ہیں۔ پانی کی مقدار جسم کی ہیئت یعنی جسمانی لحاظ سے موٹے پتلے کے لئے کم زیادہ ہوسکتی ہے۔ہر ایک کے لئے مقدار الگ الگ ہوگی۔

5*نہار منہ لہسن کا استعمال*
ہر صبح دیسی لہسن کا ایک یا دو جو کھانا بہت مفید ہوتا ہے۔ اگر لہسن کا جو چھیل کر اسے چمچے سے پیس کر کھایا جائے اورساتھ ہی اس پر لیموں کا پانی پی لیا جائے تو ایک جانب تو خون کی روانی بہتر ہوتی ہے اور دوسری جانب پیٹ کی چربی کم کرنے میں مدد ملتی ہے۔
اگر کسی وجہ سے نہار منہ نہ ہو سکے تو دن میں کسی بھی وقت لہسن کی تری لیکر منہ میں رکھ کر جوس سکتے ہیں۔

6*گوشت کھاتے رہیں*
پیٹ کم کرنے کے لیے مکمل سبزی خور بننا درست نہیں کیونکہ گوشت میں موجود کچھ اہم اجزا کا متبادل بھی گوشت ہی ہے۔ مرغی اور مچھلی کا استعمال زیادہ مناسب رہے گا۔البتہریشہ دار سبزیاں مفید رہتی ہیں۔

7*تازہ سبزیوں اور پھلوں کا استعمال*
سبزیوں اور پھلوں کا استعمال بڑھانے سے پورے جسم کو فائدہ ہوتا ہے، اسی لیے ہر موسم کی سبزی اور پھل کو اپنی خوراک کا حصہ بنایئے، ان میں موجود وٹامن ، معدنیات اور اینٹی آکسیڈنٹس آپ کو تروتازہ رکھتے ہوئے غذا کی کمی کو پورا کرتی ہے اور روغنی غذاؤں سے دور رہ کر آپ اسمارٹ رہیں گے۔رس دار سبزیوں کا جوس پینا بہترین تدبیر ہوسکتی ہے

8*مسالوں کا مناسب استعمال*
برصغیر پاک وہند کے مسالے جادوئی خواص رکھتے ہیں۔ دارچینی بلڈ پریشر اور شوگر میں مفید ہے تو ہلدی اینٹی آکسیڈنٹ اجزا سے بھرپور ہے۔ کالی مرچ، دھنیا، ادرک اور میتھی کے فائدے بھی اب ڈھکے چھپے نہیں رہے ، ان سب کا مناسب استعمال آپ کے خون میں شکر کی مقدار کنٹرول میں رکھتا ہے اور موٹاپے کو بھی پرے رکھتا ہے۔
اگر گردوں کی تکلیف کی وجہ سے بلڈ پریشر ہے تو زیرہ سفید۔خشک دھنیا وغیرہ کا قہوہ یا سفوف بہترین عمل ہوسکتا ہے