9

تاریخ طب اطباء قدیم

پیش لفظ
روایتوں کا لہو جنس رائیگاں تو نہیں
جدید خاکوں میں بھر لو یہ رنگ بہتر ہے
یہ کیا کہ اپنے ہی چہروں سے لوگ ڈر جائیں
اسی کا نام ہے صیقل تو زنگ بہتر ہے
مختا رہاشمی
طالب علمی کا وہ دور جس میں درس میں شریک ہوتا تھا کچھ اساتذہ نے پڑھایا لکھایا یا کچھ خود پڑھے لکھ لیا ، امتحان دیا اور پاس ہو کر آگے بڑھ گیا۔ برسوں یہ سلسلہ چلا تھا، کتنا اچھا دور تھا،ہر اس شخص کو جو طالب علم رہ چکا ہے وہ سہانا دور یاد آتا ہے۔
اس طالب علم کے لئے علمی دنیا میں دوسرے حصہ کی زندگی پہلے دور سے بالکل مختلف ہو جاتی کہنے کو تو پڑھاتے ہیں لیکن پہلے خود پڑھتے ہیں اور اس انداز سے پڑھتے ہیں کہ خود مطمئن ہوں یا نہ ہوں دوسروں کے دل و دماغ کے لئے اطمینان کا سامان ضرور فراہم کردیں۔ بہر وال کا جوا اس طرح سے دیں کہ جذبہ سوال و جواب مجروح نہ ہونے پائے۔ یہ کتنا مشکل کام ہوتا ہے اس کا اندازہ اساتذہ ہی لگا سکتے ہیں۔
بہت سے سوالات ایسے ہوتے ہیں کہ کلاس میں جواب دے کر پیچھا چھڑا لیا جاتا ہے لیکن کچھ سوالات ایسے ہوتے ہیں کہ کلاس کے باہر بھی پچھا نہیں چھوڑتے ہیں۔ اسی قسم کا ایک سوال بار بار صرف اس کالج کے نہیں بلکہ دوسرے کالجوں کے طلباء نے بھی کرنا شروع کر دیا کتاب دوبارہ کب تک چھپ کر آئے گی ؟ دل کی بات کیسے بتاتا اپنے خیال میں ان کو سہلاتا رہا، ٹالتا رہا لیکن جب مخلصین کا اسرار بڑھا تو مجبور ہو کر پھر کتابوں کی ورق گردانی کرنی پڑی۔ طبع اول پر