روحانیت کیا ہے؟ میرے والد محترم جناب سلطان محمود آشفتہ ؒ کے اس علمی اور روحانی تحقیق و تجربے کا نچوڑ ہے جو کم و بیش نصف صدی پر محیط ہے۔یہ کتاب ان مضامین پر مشتمل ہے جو انھوں نے وصال سے پہلے کے پانچ برسوں 1990ء تا 1995ء کے دوران وقتا فوقتا اپنے روحانی سلسلے کے پیروکاروں اور علم روحانیت کے عام قاری کی تعلیم و تربیت کی غرض سے لکھے تھے ۔ چونکہ ان مضامین سے ہر خاص و عام کو فیض یاب کرتا مقصود تھا اس لیے زبان اور بیان دونوں بھی نہایت سادہ اور عام فہم ہیں۔روحانیت جیسے گہرے اور دقیق علم کے اسرار در موڑ کو اس قدر بلاغت سے بیان کرنا انھی کا خاصہ ہے۔والد محترم خود بھی ان مضامین کو کتابی شکل دینا چاہتے تھے ۔ اگر یہ کتاب ان کی زندگی میں شائع ہوتی تو وہ اس میں کچھ اضافے اور تبد یاں بھی کرتےمگر میں اس بات کو خود پر واجب جانتا ہوں کہ ان کے قلم سے تحریر ہونے والے ایک ایک لفظ کو اپنی کم علمی کی زد سے محفوظ رکھوںلہذا میں نے حتی المقدور کوشش کی ہے کہ ان کی تحریر بغیر کسی تبدیلی یا کمی بیشی کے اپنی اصل حالت میں قارئین تک پہنچ جائے ۔البتہ مضامین کی ترتیب میں کہیں کہیں مجھے تبدیلی کرنا پڑی ۔ اس اہتمام کا مقصد یہ تھا کہ مضامین کے موضوعات باہم مربوط ہو جائیں اور ان میں ایک خاص قسم کا تنوع بھی پیدا ہو جائے تا کہ قاری کی دلچسپی برقرار رہے اور سب سے بڑھ کر یہ کہ یہ کتاب مضامین کے ایک مجموعے کے بجائے ایک مسلسل تحریر کی شکل اختیار کرلے جسے خیال کی رو توڑے بغیر ایک سرے سے دوسرےسرے تک پڑھا جا سکے۔کتاب کی ترتیب و تدوین میں اگر کوئی خامی یا غلطی نظر آئے تو اس کی مکمل ذمے داری میں اپنے سر لیتا ہوں اور کوئی قابل تحسین بات نظر آئے تو داد کے مستحق وسیم قریشی، جمشید، ہارون اور میری والدہ ہوں گے جن کی مدد اور رہنمائی کے بغیر یہ اہم اور نازک مرحلہ طے کرنا میرے لیے ممکن نہ تھا۔ابتدائی مضامین روحانیت کے علمی پہلو سے متعلق ہیں۔پھر روحانیت کے عملی پہلو اور روحانی مشقوں کا بیان ہے۔وظائف اور عملیات کا ایک باب بھی شامل کیا گیا ہےتا کہ عام قاری اس کتاب سے زیادہ سے زیادہ فائدہ اٹھا سکے۔یوں تو والد محترم کے خزینہ وظائف و عملیات کو ایک الگ کتاب کی صورت میں شایع کیا جائے گالیکن ان میں سے روز مرہ زندگی کے مسائل سے تعلق رکھنے والے عملیات اسی کتاب میں شایع کیے جارہے ہیں۔ان کی اجازت ہر خاص و عام کو ہے۔ اس کے بعد روحانیت کے عملی پہلو اور روحانی مشقوں سے متعلق کچھ علمی مباحث ہیں جن میں روحانی عملیات کی دنیا میں قدم رکھنےوالوں کے لیے کچھ علمی اور ضمنی وضاحتیں اور تنبیہات ہیں۔آخر میں وہ مضامین ہیں جو خاص روحانی وارداتوں کے تحت یا کچھ سوالوں کے جواب میں لکھے گئے ہیں۔ان میں ان باکمال ہستیوں کا ذکر بھی ہے جو سلطان محمود آشفتہؒ کی روحانی پشتی بان ہیں۔جن کی نظیر کرم نے ان کے لیے روحانی دنیا کے ان دیکھے عالموں کا دروا کیا اور جن کی وجہ سے وہ سلطان الفقراء بنے ۔وہ اس کتاب کے قارئین پر بھی نظر کر سکتے ہیں اور ان شاء اللہ تعالیٰ ضرور کریں گے۔قاری کے دل میں یہ یقین ہونا چاہیے کہ اہل نظر اپنے عقیدت مندوں کو کبھی تنہا نہیں چھوڑتے۔وہ ان کی مدد کر سکتے ہیں۔ ان کی رہنمائی کر سکتے ہیں ۔ ان ہستیوں میں مرشد پدری حضرت با بالعمل شاہ قلندر رامین اللہ کا تذکرہ خاص وارداتی اہمیت کا حامل ہے۔ کتاب کا اختتام سرور کونین، فخر دو عالم حضرت محمد مصطفی صلی الہ الم کے ذکر منور پر ہورہا ہے۔ بقول والد محترم : ” یہی ابتدائے روحانیت ہے ، یہی انتہائے روحانیت ۔“ہاؤس نمبر 4 سٹریٹ نمبر 1 سیکٹر G6/3 ، اسلام آباد۔ثاقب سلطان المحمود کتاب یہاں سے حاصل کریں

کچھ راز اور بھی ہیں! حکیم المیوات قاری محمد یونس شاہد میو {کائیناتی قوتوں سے استفادہ کرنا شرک ہے؟} اللہ تعالی نے انسان کی فلاح و بہبود کے لئے کایئنات میںبے شمارقوتیں پیدا کی ہیں جن سے ہمہ وقت انسان اپنی ضرورتیں پوری کرتا ہے ان کی اہمیت کا یہ حال ہے کہ اگر انہیں انسان تک نہ پہنچنے دیا جائے تو انسان کی زندگی اجڑ کر رہ جائے ۔مختلف شعاعیں ۔ گیسز۔موسموں کااختلاف وغیرہ سب ہی ااسی قبیل سے ہیں ،سائنسدانوں کے جدید تجربات کی بنیاد پر کہا جاسکتا ہے کہ انسان کی زندگی کے لئے صرف غذا ہی ضروری نہیں ہے اور بھی بے شمار چیزوں کی ضرورت پڑتی ہے ،مختلف شعاعوں۔روشنی اورمختلف درجہ حرارت کی ضرورت پڑتی ہے۔تخلق کار نے کوئی چیز لایعنی و بے کار پیدا نہیں کی ہے کوتاہ فہمی یا تجربات نہ ہونے کی وجہ سے کسی چیز ظاہر نہ ہوسکے یہالگ بات ہے کسی چیز کا معلوم نہ ہونا اس کے عدم کی دلیل نہیں ۔ کچھ لوگ اپنے ہم جنسوں سے زیادہ ذہین و طباع ہوتے ہیں انہیں قدرت نے مخصوص صفات اور صلاحیتوں سے نوازا ہوتا ہے،وہ خدمت کے جذبے سے سرشار ہوتے ہیں ان کی نگاہیں اور ان کی فہم وہ کچھ محسوس کرلیتی ہے جوعام نگاہوں سے اوجھل رہ جاتی ہیں ۔جنہیں دوسرے لوگ جب تسلیم کرتے ہیں جب انہیں مسلمات کا درجہ مل جاتا ہے ،علوم و فنون کی دنیا میں کچھ چیزیں وہ ہیں جن کا طلسم صرف ماہرین کے سامنے ہی ٹوٹتاہے دوسرے لوگ اس کے ادراک سے قاصر ہوتے ہیں،بلکہ یوں کہنا مناسب ہوگا کہ دوسرے لوگوں کا اس طرف دھیان ہی نہیں جاتا کبھی کبھی کبھار ایسا بھی ہوتا ہے کسی کے آگے ایک کائیناتی راز ظاہر ہوتا ہے لیکن وہ سمجھنے اور اس کی تیہ تک پہنچنے سے قاصر رہتا ہے مگر جب وہ کسی رمز آشنا سے گفتگو کرتا ہے تو اس کے ذہن میں لگی ہوئی ایک گرہ کھل جاتی ہے برسوں سے التوا میں پڑے ہوئے امور سر انجام پانے لگ جاتے وہی ایک کمی ان نظریات و قوانین کیاندر موجود تھی جو اس گفتگو سے دور ہوگئی ۔ کچھ راز اور بھی ہیں یہ بھی مطالعہ کی جئے دنیا وہی تو نہیں جو ہمیں دکھائی دیتی ہے اسرار صرف وہی تو نہیں جو ہمیں معلوم ہیں اس کے علاوہ بھی راز سربستہ ایسے موجود ہیں جو معمولی کاوش کے منظر ہیں کہ انہیں تھوڑی سی جدجہد سے آشکارا کیا جاسکتا ہے ،اللہ تعالی نے ہر انسان کو ایک نہ ایک جداگانہ صلاحیت دی ہو جس میں کوئی دوسرا شریک و سہیم نہیں ہے حتی کہ ایک جاہل گنوار اور کم عقل انسان میں بھی کوئی نہ کوئی ایسی انفرادیت موجود ہوتی ہے جس سے عقلاء بھی محروم ہوتے ہیں۔مگر اسے سمجھ نہیں ہوتی اور یہ انفرادی صلاحیت دب جاتی ہے جس کا خود اسے احساس تک نہیں ہوتا،کچھ لوگوں کی عادت ہوتی ہے وہ علمی کمال و معلومات بھگارنے کے لئے اور اپنی صلاحیت کا لوہا منوانے کے لئے ہر موضوع پر اظہار خیال کرتے ہیں اور ہر ایک سے بحث و مباحثہ کرتے ہیں۔جو ان کی فہم سے بالاہو اسکی تردید کرنا بھی اپنا ح سمجھتے ہیں ،ضروری نہیں کہ ان کی ہر بات لائق توجہ ہو ہر آدمی اپنے میدان کا ہی شہسوار ہوسکتا ہے اس کے فن اور تجربے کی وجہ سے مخصوص میدان میں اسے تفوق دیا جاسکتا ہے مگر ہر بات ان کی معتبر نہیں ہوسکتی بہت سے لوگ کسی کو نیک اور صالح سمجھتے ہیں اسے فرشتہ صفت تصور کرتے ہیں اس کی بات کو بہت زیادہ اہمیت دیتے ہیں اسے اپنے نجی معاملات تک آگاہ رکھتے ہیں زندگی کے بہت سے امور میں دعا کے متمنی اور مشاورت کے آرزو مند دکھائی دیتے ہیں۔اسی عقیدت میں ان سے ایسے امور میں بھی مشاورت کرتے ہیں جو درحقیقت ان کی معلومات سے جدا ہوتے ہیں۔ایسے میں پوچھنے والااور بتانے والا دونوں اپنی جانوں پر ظلم کرتے ہیں۔ مثلا ایک انسان کو نیک ۔عالم سمجھ دار اور مسائل فقہ شریعت میں اور تقوی و طہار ت میں اسے مثالی مانا جاتا ہے۔مگر اس کی یہ اکتسابی صفات اس بات کی دلیل تو نہیں کہ اسے ہر میدان میں ایسا ہی مقام دیا جائے۔اس کا حق ہے جو اس نے پڑھا ہے یا جس فن میں اسے مہارت ہے اس میں مقام دیا جائے مثلاََ ایک آدمی مذہبی معالات میں سوجھ بوجھ رکھتا ہے تقوی وطہارت سے بھی متصف ہے اسے اپنے فن میں مہارت حاصل ہے اس سے یہ بات تو لازم نہیں آتی کہ اس سے تمام امور میں مشاورت کی جائے کاروبار میں اس سے مشورہ لیا جائے  زمیندارہ کے بارہ میں اس سے معلومات لی جائیں ۔ اگر فصل باڑی بیجنی ہے تو اس کے کے لئے تو ایک زمیندار زیادہ معتبر ہوگا نہ کہ ایک مفتی ۔اکثر معالات مین بے اعتدالی دیکھنے میں آتی ہے کہ ایک مریض جو کہ جادو کا شکار ہے یا پھر اسے ایسی نادیدہ قوتوں نے دبایا ہوا ہے کہ اس کی زندگی اجیرن ہوچکی ہے ایسے میں وہ کسی ماہر فن جادو کا توڑ کرنے والے کے پاس جانے کی بجائے وہ کسی نیک اور مفتی عالم کے پاس جاتا ہے اس سے اپنے معالجہ کا خواستگار ہوتا ہے۔ایسی صورت میں وہ اپنے اوپر ظلم کرتا ہے دوسری طرف وہ عالم صاحب بھی ظلم پر کمر کسے ہوئے ہیں انصاف کا تقاضاتو یہ تھا اگر جادو کے توڑ اور منفی قوتوں کے حالہ سے نکالنے والے فن سے اسے آگاہی تھی تو بہتر ورنہ وہ مریض کے ساتھ ساتھ اپنے پیشے اور فن کے ساتھ بھی بددنیاتی کا مرتکب ہوتا ہے کیونکہ وہ ایسے میدان میں طل نے کے لئے پر تول رہا ہے جس کے بارہ میں اسے معلومات نہیں وہ اناڑی سرجن کی طرح ہے جو بدن انسانی کے بارہ میں کچھ نہیں جانتا مگر چیر پھاڑ کے لئے مصروف عمل ہے، انصاف کا تقاضاتو یہ تھا کہ پہلے متعلقہ فن میں مہارت پیدا کی جاتی پھر علاج معالجہ کی طرف بڑھا جاتا۔بہت سے مریض جادوئی بلاخیزیوںمیں جکڑاہوتے ہیں وہ ان نیک لوگوں سے رابطہ کرتے ہیں  جب کہ یہ اپنی

طب میں مہارت پیدا کرنے کا راز طب قدرت کا انمول تحفہ ہے اس کے خدمت گزار قابل قدر لوگ ہیں۔جسے خدا یہ ہنر عطاء فرمادے وہ خوش نصیب ہے۔لیکن اس بدقسمتی ہے کہ اس کی نمائیدگی عمومی طورپر جہلا کررہے ہیں گوکہ ایک بڑا طبقہ ماہرین طب کا بھی موجود ہے۔لیکن جولوگ طب کے نام پر کاروبار کرتے ہیں دوا فروشی کا دھندہ کرتے ہیں ۔ان کا طب سے کوئی تعلق نہیں ہے۔طب کے محسنین وہ ہیں جو اس میں تحقیق و تدقیق سے کام لیتے ہیں۔کسی نسخہ کے بارہ میں غیر ضروری فوائد ،اور غیر حقیقی باتیں کہنا طب کے ساتھ کھلی دشمنی ہے۔سوشل میڈیانے ایسی راہ بتادی ہے کہ ہر کوئی استاد الاطباء اور سنیاسی اور ماہرین طب بنے ہوئے ہیں۔امراض کی تعداد،مریضوں کی پریشانی دن بدن بڑھتی جارہی ہیں۔یہ عطائی قسم کے لوگ ایک چختی مین تمام امراض ختم کرنے کا دعویٰ کئے ہوئے ہیں۔دونوں صورتوں میں کہیں نہ کہیں تو خلا موجود ہے؟