چہرے پرجھائیاں چہرے پرجھائیاں حکیم قاری محمد یونس شاہد میو جھائیں اگر پرانی وسیاہ ہوتو اس میں تیز طلائوں کی ضرورت پیش آتی ہے۔ جسے تخم جرجیر،تراب، زنبق (سوسن سفید سے حاصل شدہ مادہ)، سیاہ مرچ، بورہ ارمنی وغیرہ اور اگر اس سے فائدہ نہ ہوتو ہڑتال سرخ تخم مازیون لگائیں۔ جونک لگائیں۔ اگر جھائیں غیر مزمن اورہلکی سیاہ ہو تو قیفال کی فصد کھولیں اور جوشاندہ افیون پلائیں نیز چہرہ میں خون روکنے والی ساری تدابیر ترک کروا دیں۔ اس کے بعدتخم مولی مغز بادام شیریں مقشرپیس کر لگا ئیں۔ اس کے علاوہ با قلے کا آٹا اورتخم خرپزہ پیس کر لگائیں۔ یہ مرض فاسدخون اور معدے کے بخارات سے پیدا ہوتا ہے جس کی مثال حاملہ عورت میں اس مرض کی پیدائش ہے۔ اس کا علاج یہ ہے کہ اگر حمل کو کوئی نقصان نہ ہو اور مریضہ کی طاقت اجازت دے توحب شبیار سے استفراغ کریں۔ یایہ نسخہ دیں۔ نسخہ: ا فتیمون ۲۵ گرام کوٹ کر ۷۰ گرام سکنجبین ہموزن پانی میں ملالیں اور اسے مریض کو پلادیں معدے کی تقویت کے لیے اطریفل صغیر استعمال کرائیں جس کانسخہ درج ذیل ہے۔ ہلیلہ، سیاہ دوحصے، زنجبیل نصف حصہ اور شکر سب کے برابر سفوف بنالیں اور اس میں سے 14گرام کےبقدر استعمال کرائیں تا کہ معدے میں برے فضلات کا انصباب نہ ہو۔ طلاء جات ۔۔۔۔۔۔۔۔۔۔۔23۔۔۔۔۔۔۔۔۔ میں ریوند چینی سرکے میں ملاکر کھائیں یا مصری کرم کلہ کے تخم پیس کر آب ترمس کے ساتھ شامل کر کے طلاء کریں خرگوش کا گرم خون لگائیں۔

سونے اور چاندی کے ورق سونے اور چاندی کے ورق شبلی بی کام 64 سال پہلے۔ مشیر الاطباء،اپریل1958میں شائع ہونے والا مضمون حکیم قاری محمد یونس شاہد میو قیمتی سے قیمتی اور نایا ب سےنایاب اشیا کو جزو بدن بنانے کی خواہش انسان کے اندرہمیشہ کروٹیں لیتی رہی ہے۔ اسی خواہش کے مطابق یونان وروما کے قیاصرنے اپنے کھانوں پر موتی چور، بلور کو کھا یا ۔ قلو پطرہ اور فراعنہ نے اپنے مشروبات میں ہیرے کی کنی کا اضافہ کیا۔ مغل شہنشاہوں نے بادام.ا نڈ ے اد رک کے حلوئوں پر پستے کی ہوائی چھڑکنے کے علاوہ سونے اور چاندی کے اوراق بھی ملیدہ کر کے نوش جان کئے ، اور اسی خواہش کے زیر اثر یونانی اطباء نے مریضوں کےلئے بعض ایسے مرکبات تجویزکئے جن کو نقرئی اور طلائی اوراق پیچیدہ میں آمیختہ کر لیا جانا تھا۔ ورق کس نے ایجاد کیا ؟ … سو نے اور چاندی کے پتروں کو کوٹ کر ورق بنانے کافن کس نے ایجاد کیا؟ تاریخ عالم پر ایک نظر ڈالنے سے معلوم ہوتا ہے کہ فراعنہ مصر کے عہد میں تارکشی کا فن توکافی ترقی کرچکا تھا ۔حتیٰ کہ ملکہ قلوپطرہ جب دربار میں آتی تو اپنے چہرے کی دجاہت میں اتنااضافہ کرنے کےلئےتھوڑی پر سونے کے بال ایسے مہیں تاروں کی د اڑھی چپکا لیتی ۔ لیکن سونے اور چاندی کے پتروں کو کوٹ کر ٹ کر ورق بنانے کی ایجاد کا سہرا حکیم لقمان کے سر ہے۔ جن کی حکمت و دانش کا تذکرہ قرآن مجید نے بھی کیا ہے(سورہ لقمان) حکیمصاحب نے اپنے استنباط سے معلوم کیا کہ انسان کا بدن مختلف معدنیات سے مرکب ہے۔ اور دہ صحت مند اسی صورت میں رہ سکتا ہے کہ تمام معدنی اجزاکا مناسب بر قرارر ہے۔ معدنی اجزاء یوں تو سبزی ، فواکہات. گوشت. دودھ ۔انڈوں سے بھی فراہم ہوسکتے ہیں ۔ اگر انہیں براہ راست جسم میں داخل کیا جائے تو کیسا رہے؟ اس سوال کے پیش نظر سونے اور چاند کی فولادد کے کشتے تیار کئے گئے ۔ اور اسی ضمن میں حکیم ساحب نے سونے اورچاندی کے پتروں کو کوٹ کوٹ اوراق بنائے ۔ جن میں خمیرے ادرمعجون لپیٹ کر مریضوں کو کھلائے جاتے تھے۔ مطلاو مذہب تحریریں۔ سونے اور چاندی کے اوراق صرف کھانے کے کام نہیں آتے۔ بلکہ ان کوگھول کر ان سے کتب مقدسہ کومطلاء و مذہب کرنے کا کام بھی لیا جاتا ہے۔ چنانچہ مغلیہ اور اس سے پہلے کے ادوار میں قرآن مجید کے جو نسخے آب زر سے لکھے گئے وہ آج ہمارے ثقافتی سرمایہ کاقیمتی جزو ہیں۔ آج کل پوری پوری کتابیں تو سونے کے پانی سے شاذ و نادر ہی لکھی جاتی ہیں۔ البتہ سونےکےور قوں سے ان کی چر می جلدوں پر نام چھاپنے کا رواج برابر پایا جاتا ہے۔ اس کے علاوہ کھیلوں کے سامان اور چوتوںوغیرہ پر جو سنہری مہر ثبت کی جاتی ہیں۔ ان میں بھی سونے کے اوراق استعمال ہوتے ہیں۔لوگ مسجدوں۔ مندروں اورخا نقاہوں کے گنبدوں یا کلیسوں پر بھی سونے کے اوراق جڑ کر اپنی عقیدت کا اظہار کرتے ہیں ۔ چنانچہ لاہور میں سنہری مسجد ،اور مہاراجہ رنجیت سنگھ کی سمادھی اور امرتسرمیں سکھوں کے دربارصاحب کے گنبدوں پراسی کی نیاز مندی کا کرشمہ دکھائی دیتا ہے۔ ابھی زیادہ مدت نہیں گزری پاکپتن کی خانقاہ کے گنبد پر بھی چارپانچ سونے کے اوراق جڑے گئے تھے جو پاکستانی ورق سازوں کی ہنرمندی کا ثبوت ہے۔ . ایک سربستہ راز۔ بر صغیر ہند و پاکستان میں ورق سازی نے مغل شہنا ہوں کے دور میں ایک گھریلو صنعت کا درجہ اختیار کر لی انگریزی عہد میں اسکے مراکز زیادہ تر شمالی ہند میں پھیلے ہوئےتھے جن میں سے آگرہ ۔بنارس . دہلی اور امرت سر کو خاص اہمیت حاصل تھی۔ قیام پاکستان کے بعد امرت سر(مہلانوالہ) کے کاریگر جن کی تعداد پانچ ہزار سے کم نہیں ہے،ہجرت کر کے پاکستان آگئے ۔ اور عام مہاجروںکی طرح جہاں سنگ سمائے وہاں بیٹھ گئے ۔ لیکن ان کی بیشتر تعداد گوجر انوالہ ۔ ننکانہ۔ لائل پور(فیصل آباد)۔ لا ہور۔ ملتان حیدر آباد سندھ اور کراچی میں نظر آتی ہے۔ سونے اور چاندی کے ورق تیار کرنے کے لیے جس سامان کی ضرورت ہے اس میں جھلی کو بنیادی اہمیت حاصل ہے۔ اس جھلی کی ,دفتریاں بناکر ان میں سونے یا چاندی کے ننھے ننھے پتر رکھ دیئے جاتے ہیں۔ پھر ان کو گھنٹہ دو گھنٹہ تک ہتھوڑے سے برابر کوٹا جاتا ہے۔اگر جھلی کی بجائے کوئی اورغلاف ہو تووہ ہتھوڑے کی ضربوں سے پھٹ جائے۔ لیکن یہ جھلی چھ ماہ تک بخوبی کا م دے سکتی ہے۔بدقسمتی سے یہ جھلی آگرہ کے سوا برصغیر ہند و پاکستان میں کسی اور جگہ نہیں بنتی ۔ کیونکہ اسے تیار کرنے کا راز صرف صرف ایک قبیلہ کو معلوم ہے جو آگرہ میں چمڑے کی رنگائی کا کام کرتا ہے۔ اورکھٹیک کے نام سے مشہور ہے۔ جھلی بکرےکی کھال کے اُس حصےپر مشتمل ہوتی ہے۔ جو کھال اور اون کے درمیان ہوتا ہے۔ اسے اتارنا ایک خاص فن ہے جو صدیوں سے کھٹیک قبیلہ کے سینوں میں مدفون چلا آرہا ہے ۔ وہ کسی قیمت پر بھی اسےفاش کرنے پر آمادہ نہیں ہوتے اس خام جھلی کو تیارکرنے کے لئے اسے گرم مصالحوں میں پکایا جاتا ہے۔ اس فن سے پاکستان میں صرف چند افراد آکاہ ہیں۔ اگر خام جھلی کوگرم مصالحوں نہ پکایا جائےتو شاید چاندی کے پترے بھی ان کی گرمی سے نرم ہوکر ور ق کی صورت اختیار نہ کریں ۔چاندی کا پترابنانے کے لئے چاندی تیزابی کو خوب صاف کرکے اسے رولنگ مشین میں بار بار کھینچا جاتا ہے اس کی دس گز کمبی اور 4/1 انچ چوڑی کناری کی صورت میںڈھال لیا جات ہے یہ فن بھی پاکستان میں کسی کسی کو آتا ہے۔۔۔مشیر الاطباء لاہور اپریل 1958۔

تعارف۔مجربات سعد فارمیسی بسمہ تعالیٰ اے جذبہ دل گر تو چاہے۔ زندگی میں کوئی بھی چیز آسان نہیں ہوتی۔اپنی نوعیت و اہمیت کے اعتبار سے اپنی قیمت ضرور وصول کرتی ہے،اس کی کوئی بھی شکل و صورت ہوسکتی ہے،مال،جان ،وقت،وغیرہ۔علوم و فنون میں نکھار تجربات کی بنیاد پر پیدا ہوتا ہے،اور تجربات اسی وقت ہوتے ہیں جب متعلقہ علم و ہنر میں سوجھ بوجھ ہو۔معمولی سا کام بھی نکھار کے لئے قیمت وصول کرتا ہے۔عمل پیہم۔لگن کوشش۔وقت کی ناہمواری ، احباب کا تمسخر کونسی تکلیف ہے جو کسی میدان میں پختگی حاصل کرنے کے لئے درکار نہیں ہوتی۔ میری زندگی کا سنہرا دور جسے لڑکپن و جوانی کہا جاتا ہے،طب و عمللیات کے میدانوں میں خاک چھانتے ہوئے گزری ہے۔قدرت کا بھی عجیب نظام زندگی ہے،جب کسی سے کوئی کام لینا ہوتا ہے تو چاہتے نہ چاہتے ہوئے بھی اسے زمانہ سے الگ تھلگ کردیا جاتا ہے۔،فرد و بشر اس فیصلہ پر بہت ہاتھ پائوں مارتا ہے ،اسے کراہت کی نگاہ سے دیکھتا ہے۔ہاتھ پائوں مارتا ہے کہ کسی طرح اس طبعی گھٹن والے ایام سے باہر نکل جائے۔لیکن اس کا تعین قدرت کرتی ہے کہ کسی کو کس حال میں کتنی دیر رکھنا ہے۔ بندہ راقم کی بھی زندگی کچھ ایسے ہی فریم ورک سے آراستہ ہے۔ایک وقت تھا کہ جب زندگی کے ایام بہت گھٹن سے گرز رہے تھے۔دنیا سے رابطہ منقطع تھا،کتاب سے بڑھ کر کوئی مونس و غم غوار نہ تھا،،ایک رات کا بخیر گرزنا۔ایک وقت کی روٹی پیٹ بھر کر نصیب ہونا بہت بڑی نعمت خداوندی تھی۔یہ قیامت خیز گھڑیاں تھیں ۔ جس سے جتنی زیادہ سناشائی ہوتی تھی اس سے انتی ہی وحشت و خوف آتا تھا ۔ لوگ اپنوں کو تلاش کرتے ہیں،میں انہی لوگوں سے چھپتا پھرتا تھا۔وہ تلخ ایام جنہیں میں ناپسند کرتاتھا ،آج میرے لئے شناخت کا ذریعہ ہیں۔یہ وہی تحریرات ہیں جنہیں میں اہپنی وحشت دور کرنے اور کچھ دیر من بہلاوے کے لئے لکھا کرتا تھا ،آج میری شناخت بن چکی ہیں۔۔۔ یہ انہیں ایام کی داستان ہے ،میں دور دراز علاقوں میں نکل جاتا تھا۔ایک بیگ میرے کاندھے پر ہوتا تھا،کسی گائوں میں جاکر بیٹھ جاتا،للہ فی اللہ نبض دیکھتا اور مفت دوا دیتا۔میری کوشش ہوتی کہ میں دس روپے کی پرچی پر مریض کو ایک ہفتہ کی دوا دیدوں۔اس سے میرا خرچہ بھی نکل آئےگا۔اور مریض بھی دوا کھالے گا۔تنگ دستی عروج پر تھی ،سو پچاس روپے بھی معنی رکھتے تھے۔خودداری اتنی کہ بھوکا رہنا۔منظور تھا لیکن کسی سے دس روپے ادھار لینا گوارا نہ تھا۔ یہ اوراق انہیں ایام کی داستان ہیں۔ان نسخوں سے میں نے بہت سافائدہ اٹھایا ،بے شمار لوگوں کے دکھوں کا مداوا ان سے کیا۔یہ وہ ڈائری میں لکھے ہوئے نسخہ جاتا ہے،جنہیں میں افادیت و ضرورت کے تحت لکھ لیا کرتاتھا۔مجھے توقع نہ تھی کہ یہ اوراق کبھی افادہ عام کے لئے شائع بھی ہوسکیں گے،میں انہیں بھول چکا تھا۔ 2009،….2010 میں لکھی ہوئی بہت سی کتب ضآئع ہوچکی تھی۔آج میں پرانی CDs دیکھ رہا تھا کیونکہ یہ ان ریڈ ابیل ہوچکی تھیں۔پھر سی ڈی روم۔ وغیرہ بھی میسر نہیں،لیکن ایک لیب ٹاپ میں ڈی،وی ڈی روم موجود تھا۔کوشش کی تو چار پانچ کتابوں کا ڈیٹا ریکور ہوا (1)جادو کی تاریخ(2) قران کریم کےالفاظ معانی میوا تی زبان(3)شنیوا کے پہاڑ(4)سعد طبیہ کالج کے مجربات()وغیرہ مناسب سمجھتا ہوں کی یہ قیمتی نسخہ جات،سعد طبیہ کالج کے طلباء اور عوام الناس،اطباء و حکماء کے لئے ڈیجیٹل کاپی اپ لوڈ کررہاہوں۔امید ہے یہ کاوش میرے لئے صدقہ جاریہ بنے گی۔ حکیم قاری محمد یونس شاہد میو