غذائی درجات تکمیل جسم یا حیاتی امور طبعیہ hakeem al meewat Qari m younas shahid meo tibb4all dunyakailm Saad Virtual Skills @Tibb4allTv ۔۔۔۔۔۔۔۔۔ کچھ اہم باتیں۔مشینی تحریک میں خالص خلط بنتی ہے اور یہی خلط اس عضو کی خوراک ہوتی ہےمثلاََ غدی عضلاتی غدد جازبہ(گرم خشک) میں جگر کی خوراک خالص صفرا ہوتی ہے۔اسی طر ح خبر رساں اعصاب کی خوراک خالص بلغم ہے’’اعصابی غدی‘‘ تحریک ہوتی ہے۔ اسی طرح تیسرا عضو ارادی عضلات عضلاتی اعصابی تحریک ہے۔ان تینوںتحریکوں میں تینوں خالص اخلاط پیدا ہوتے ہیں اور جسم میں جمع ہوتے رہتے ہیں،اگر اخلاط اعتدال کے ساتھ جسم میں پیدا ہوکر جمع رہیں تو صحت قابل رشک رہتی ہے۔اگر کسی وجہ سے اعتدال قائم نہ رہے تو یہ اخلاط کی بے اعتدالی وبال جان بن جاتی ہے اس افراطی کیفیت کو معتدل کرنے کے لئے ہمیںمشینی کیفیات پیدا کرنا پڑتی ہیں مشینی تحریکات جسم سے فالتو اخلاط و غیر ضروری مواد کو خارج از جسم کرکے انسانی صحت کو اعتدال کی طرف لاتے ہیں۔ تکمیل جسم یا حیاتی امور طبعیہ۔ جب غذاء کھائی جاتی ہے سب سے پہلے کیفیات بنتی ہیں،اس کے بعد اخلاط،اسکے بعد اعضاء پھر ارواح اس کے بعد قویٰ یعنی قوت بنتی ہے اور قوت سے فعل صادر ہوتے ہیں۔یہ کل 6 مراتب ہوئے اسی طرح افعال بھی6ہوتے ہیں اور یہ تینوں اعضائے رئیسہ پر منقسم ہیں (1)احساس کا ہونا ’’اعصابی عضلاتی‘‘(2)حکم کا ہونا(3)ارادی حرکت(4)غیر ارادی حرکت (5)غذا کو جذب کرنا یعنی ہضم کرنا(6)فضلہ خارج کرنا۔ پانی ہوا اور حرارت کی بدولت جسم کا نظام چل رہاہے ان کے حد اعتدال سے کم یا زیادہ ہونا مرض (بیماری) کہلاتاہے، جو ا س راز کو سمجھ لے گا کسی بھی مرض کا بفضلہ تعالیٰ علاج کرسکتاہے۔ یہ بھی مطالعہ کریں

اعضائے رئیسہ اور ان کے خدام۔ اعضائے رئیسہ اور ان کے خدام۔ابی سعید سے مروی رسول اللہ ﷺ نے فرمایا’’دونوں آنکھیں دلیل ہیں۔دونوں کان برتن ہیں،زبان ترجمان ہے۔ہاتھ بازو ہیں،جگر رحمہ ہے۔طحال و پھپھڑے نفس ہیں۔ دونوں گردے مکر ہیں۔دل بادشاہ ہے۔جب باداشاہ ٹھیک رہتا ہے تو رعیت بھی ٹھیک رہتی ہے ،جب بادشاہ بگڑ جائے تو رعیت بھی بگڑ جاتی ہے(الطب ابی نعیم۔نوادر الاصول فی احادیث الرسول192/2الدیلمی مسند الفردوس546/5) انسانی جسم کی تعمیر کا ابتدائی مادہ مٹی کو تسلیم کیا گیا ہے مٹی میں نشو و نما و ارتقا کی قوت اتم درجہ موجود ہے ابتدائی طور پر پتھر اس کے بعد چونا کیلشیم ہوتی ہے ،جب یہ ارتقائی منزل آگے بڑھتی ہے تو سونا، چاندی،لوہا،تانبا میں تبدیل ہوجاتی ہیں۔اسی طرح انسانی وجود ارتقائی منزل میں اول الحاقی مادہ مثلاََ ہڈی وتر وغیرہ سامنے آتے ہیں۔ہڈی مرکز اور کری و وتر خدام بن جاتے ہیں جب الحاقی مادہ نشوونما پاتا ہے تو عضلاتی مادہ یا مسکولر ٹشوز میں تبدیل ہوجاتا ہے، حرکتی اعضا بنتے ہیں،ان کا مرکز دل ہوتا ہے۔ قدرت نے ہمارے وجود میں خبر رساںاعصاب کواس خدمت پر مامور کیا ہے کہ اگر کوئی غیر طبعی و غیر مفید صورت حال سامنے آتی ہے تو اس کی خبر دیتاہے کہ بروقت تدارک کیا جا سکے ۔ کوئی خطرہ ہے تواحسن انداز میںدفاع کیا جاسکے۔انہیں مخبر اعصاب کہتے ہیں یہ قلب و عضلات کو اطلاع دیتے ہیں ،دل دماغ کی طرف سے آئے احکامات کو حرکتی عضلات کے ذریعہ عملی جامہ پہناتا ہے۔قدرت بڑی فیاض واقع ہوئی ہے، دل و دماغ کے زندہ رہنے کے لئے بدل مایتحلل کے طور پر غذا کو تحلیل کرکے جگر کو غذائی ضرریات کی تکمیل پر مامور کردیا اس کے دو خادم بنا ئے غدد جاذبہ۔غدد ناقلہ۔اگر رطوبات کی زیادتی صحت کے لئے نقصان دینے لگے تو فعل جاذبہ انہیں جذب کرکے خون میں شامل کردیتے ہیں۔ ا ااسی طرح اگر خون میں جاذبہ کی وجہ سے زیادہ تری آجائے تو ناقلہ کے ذریعہ انہیں باہر کرکے صحت کو برقرار رکھتے ہیںحکیم انقلاب استاد صابر ملتانی مرحوم کی تحقیق کے مطابق جگر کے تین اہم افعال ہیں (1)خون کو تکمیل تک پہنچانا،اسے سرخ رنگ دینا(2)صفرا بنانا اور روغنی لحمی و شکری اجزاء کا ہضم کرنا(3)حرارت جسمانی کی حفاظت کرنا اور بوقت ضرورت جسم میں تقسیم کرنا،اسی طرح دماغ کے دو خدام ہیں ۔خبر رساں اعصاب یہ کیمیاوی اعمال سرانجام دیتے ہیں، حکم رساں اعصاب مشینی افعال سرانجام دیتے ہیں ،دوسرے لفظوں میں خبر رساں اعصاب اگر بلغم صالحہ کاا جتماع یہ بھی پڑھئے کرتے ہیںتو حکم رساں فاضل بلغمی مواد کو خارج کرتے ہیں، کیمیاوی افعال سر نجام دینے والے اعضا کی غذا بھی ان کے مزاج کی خلط ہی ہوتی ہے مثلاََ غدد جاذبہ کی غذا صفرائے خالص۔خبر رساں اعصاب کی غذا خالص بلغم اور ارادی عضلات کی غذا خالص سودا مشینی افعال انجام دینے والے اعضا کی غذا بھی ان کے مزاج کی ہوتی ہے البتہ فرق یہ ہوتا ہے کہ خالص میں کیمیاوی تبدیلی شروع ہوچکی ہوتی ہے مثلاََ خالص صفرا میں جب کیمیاوی تبدیلی ہوگی تو اپنا اصلی مزاج خشک گرم چھوڑ کر گرم تر میں تبدیل ہوجائے گا لیکن حرارت کا عنصر غالب رہے گا اور نام کے لحاظ سے صفرا ہی کہلائے گا یہی حال باقی دونوں اعضا کے ساتھ بھی ہے۔

مرض کے آٹھ درجات اور ان کی شناخت تحقیقات العلامات بالمفرد اعضاء:قران کریم انسان کی مختلف کیفیات علامات کا ذکر فرمایا ہے،جیسے چہرہ سیاہ پڑنا،سفید ہونا،(عبس،تسود وجوہ،آیات)علامات ایسے نشانات ہیںجن سے حالت مرض یا حالت صحت کا پتہ چلتا ہے ۔یہ طبی اصطلاح میں علامات تکالیف کی اُن کیفیات کو کہتے ہیں جو مرض کے ساتھ جسم کے مختلف مقاما ت پر ظاہر ہوا کرتی ہیں، علامات اکثر امراض سمجھے جاتے ہیں۔جب اعضاء کے افعال میں اعتدال نہ ہو یعنی ان میں افراط و تفریط اور ضعف پایا جائے۔اعضاء کے افعال کی خرابیوں کو جاننے کے لئے ان علامات کو دیکھیں گے جو اُن پر دلالت کرتی ہیں ۔ یہ ِاس وقت ہوسکتا ہے کہ امراض اور ان کی علامات کو الگ الگ ذہن نشین کرلیں کہیں ایسا نہ ہو علامات کو ہی امراض کہہ دیں ۔کچھ اہم علامات جو بتدریج رونما ہوسکتی ہیں، سلسلہ وار بیان کی جارہی ہیں جیسے ہچکی ،نزلہ۔بخار یہ بھی پڑھئے سوزش۔اورام وغیرہ علامات جس مفرد عضو سے تعلق رکھتی ہیں اسی طرف منسوب ہونگی تنہا علامات کو امراض کا نام نہیں دیا جاسکتا۔بہت سی علامات ہیں جو درجہ میں کم و بیش ہوتی ہیں درج ذیل ہیں (1)سوزش (2)ورم (3) بخار(4) ضعف(5) تحذیر (6) استرخاء(7)تشنج(8)اختلاج وغیرہ۔؎قران کریم نے مختلف حوالوں سے انسانی جسم کی کیفیات بیان فرمائی ہیں،،جیسے چہرہ جھلسنا۔کالا پڑنا،قطران سے چہرہ سوجھ جانا وغیرہ۔سوزش: ایسی جلن ہے جو کیفیاتی و نفسیاتی اور مادی تحریکات سے جسم کے کسی مفرد عضو میںپیدا ہو جاتی ہے۔سوزش میں حرارت کی پیدائش اور سرخی اور درد لازم ہے، تحریک سے سوزش تک کئی منزلیں پائی جاتی ہیں جیسے حبس قبض لذت،بے چینی، خارش ، جوش خون وغیر ہ ان علامات میں سے کسی پر طبیعت مدبرہ رک جاتی ہے تو اس کو اس عضو کی علامت مرض کہا جاتا ہے ۔ورم:ورم کی علامت سوزش کے بعد پیدا ہوتی ہے اس میں سوزش کی علامات کے ساتھ ساتھ سوجن بھی ہوتی ہے، جب سوجن زیادہ ہوجائے یا شدت اختیار کرلے تو حرارت بخار میں تبدیل ہوجاتی ہے ۔جسم کے پھوڑے پھنسیاں اور دانے بھی اورام میں شریک ہیں ۔ بخار:بخار ایسی غیر معمولی حرارت ہے جس کو حرارت غریبہ(بیرونی)بھی کہتے ہیں جو خون کے ذریعہ قلب سے تمام بدن میں پھیل جاتی ہے جس سے بدن کے اعضا میں تحلیل اور ان کے افعال میں نقص واقع ہوتا ہے۔غصہ اور تھکان کی معمولی گرمی بیمار کی حد سے باہر ہوتی ہے، کوئی غیر تبدیلی بدن انسان میں لاحق ہوتی ہے۔اسے عربی میں حمی فارسی میں تپ کہتے ہیں۔ضعف :جسم کی ایسی حالت کا نام ہے جس میں گرمی کی زیادتی سے کسی مفرد عضو میں تحلیل پیدا ہواجائے۔ضعف کے مقابلہ میںطاقت کا تصور کیاجاتاہے۔ تحذیر:کسی مفرد عضو کا سن ہوجانا اس علامت میں احساسات اعضاء کے ختم ہوجا تے ہیں، تسکین و تبرید اسی شامل ہیں ۔تحذیر کی صورت میں جسم میں بلغم ’’ رطوبت‘‘ کی زیادتی سے پیدا ہوتی ہے ۔استرخاء:کسی مفرد عضو کا ڈھیلا ہوجانا۔استرخاء تحلیل میں واقع ہوتا ہے ،لقوہ ، فالج اس میں شریک ہیں،تحلیل تینوں مفرد اعضاء میں ہوسکتی ہے اس لئے استرخاء صرف عصبی مرض نہیں ہے، یہ تو عضلات و غدد میں بھی ہوسکتا ہے، اس لئے لقوہ دیگر کسی عضو کے استرخاء کے ساتھ عرضا اور طولاََ(کبھی دائیں بائیں)استرخاء ہوجاتا ہے جس کو فالج کہتے ہیںتشنج:کسی مفرد عضو کا ایک طرف یا دونوں طرف سکڑ جانا اس کی وجہ حرارت و رطوبت کا ختم ہوجانا اور سردی و خشکی کا بڑھ جانا ہے کبھی ریاح کبھی سوزش اور شدت برودت سے یہ حالت ہوتی ہے یہ عصبی نسیج کے علاوہ عضلاتی و غدی انسجہ میں بھی پیدا ہوسکتا ہے۔اختلاج:کسی مفرد عضو کا پھڑکا ۔کسی مواد یا ریاح یا سوزش سے اس عضو کے فعل میںتیزی آجاتی ہے بعض دفعہ معمولی اعضاء پھڑکنے سے بڑی بیماریاں ہوجاتی ہیں ۔خون آنا۔جسم کے کسی مخرج آنکھ ،ناک،منہ،ناک کان منہ مقعد اور احلیل سے خون خارج ہو یاکسی پھوڑے پھنسی یا ورم سے خون دفعتہ یا رفتہ رفتہ آئے اس کی وجہ عضلاتی انسجہ میں تحریک ہوتی ہے، اس کی دو صورتیں ہوتی ہیںاگر معدہ سے اوپر کی طر ف سر تک کسی مخرج سے خارج ہوتو یہ عضلاتی اعصابی (سردی خشکی)ہوتی ہے اور جگر سے لیکر پاؤں تک اگر کسی مخرج یا مجری سے خارج ہو یہ عضلاتی غدی تحریک ہوتی ہےرطوبات کا گرنا:رطوبات یا رطوبتی مواد یا بلغم کا اخراج پانا۔جسم کے کسی حصہ سے رطوبات اخراج پارہی ہوںتو وہاں خون کا اخراج نہیں ہوسکتا، جب خون اخراج پارہاہو تو رطوبات کا اخراج بندہوگا گویا دونوں ایک دوسرے کی ضد ہیں،علاج میں ان دونوں صورتوں کا سمجھنا لازم ہے،جسم کے کسی حصے یا مخرج و مجری میں کسی قسم کی بو کا ہونامثلاَ ناک ۔ منہ ،بغل ،کنج ران یا کسی مادہ کے اخراج کے ساتھ اس کی زیادتی کا احساس ہوتو یہ اس جگہ رطوبات کے رکنے اور متعفن ہونے سے ہوا کرتا ہے۔رطوبات کا رکنا تسکین کی وجہ سے ہوتا ہے ۔شقاق:کسی جگہ کا پھٹنا۔یہ انتہائی خشکی سردی کی علامت ہے اور عضلاتی اعصابی تحریک۔ ہر قسم کی خشکی سردی اس کے تحت شامل ہوتی ہے۔تعظیم الاعضاء:کسی عضو کا اپنے جسم میں بڑا ہوجانا مثلاََ دماغ دل یا جگر و طحال میں سے کسی کا اپنے حجم سے بڑھ جانا۔معدہ و جوڑوں کا بڑھ جانا یہ سب رطوبات کی زیادتی سے ہوتاہے اور تسکین اعضاء کی علامت ہے ،کبھی ریاح سے بھی پیٹ پھول جاتا ہے لیکن یہ عارضی ہوتا ہے کیونکہ ہوا کے اخراج کے ساتھ ہی پیٹ اپنی اصلی حالت پر واپس آجاتا ہے ، یہ بھی جاننا ضروری ہے کہ ریاح سے پیٹ سکڑتا ہے پھیلتا نہیں ہے ،یہی وجہ ہے کہ اس میںیا کسی بھی عضو میں درد ہوتا ہے مگر تعظم نہیں ہوتا۔یاد رکھئے عضو کا علاج تحریک سے کرنا چاہئے تحلیل سے ہرگز نہ کریں۔تصغیر الاعضاء:یہ عظم الاعضاء کے برعکس کسی عضو کا اپنے حجم سے کم یا چھوٹا ہوجانا تصغر اس جگہ پر ریاح کی پیدائش اور سوز ش سے ہوتا ہے یہ کسی عضو کی تحریک ہے اس کا علاج وہاں پر رطوبات پیدا کرنا نہیں بلکہ تحلیل کرنا ہے تاکہ اس جگہ سے ریاح خارج ہوجائیں اور سوزش ختم

انسانی جسم میں رطوبات اور ہارمونز کا کردارازحکیم المیوات قاری محمد یونس شاہد میووَ جَعَلْنَا مِنَ الْمَآءِ كُلَّ شَیْءٍ حَیّ-اَفَلَا یُؤْمِنُوْنَ(30)اس وقت دنیا بھر میں جتنے بھی امراض پائے جاتے ہیں وہ غذا و خوراک ۔اور ہارمونلز امراض ہیں۔انسانی جسم میں رطوبات اور سیالیات کا کردار کتنا اہم ہے اس کتاب کے مطالعہ سے معلوم ہوجائے گا۔عمومی طورپر معالجین اس بات کو سمجھ نہیں پاتے کہ آنے والا مریض کسی عام بیماری کا شکار ہے یا پھر ہارمونلز پرابلمز کی شکایت ہے۔ جب تک امراض کی شناخت نہیں ہوتی اس وقت تک کسی مرض کا شافی علاج ممکن نہیں ہوسکتا۔اگر کوئی اتفاق ہوا بھی تو یہ مسلمات کے مقابلہ میں غیر یقینی ہے۔اس وقت شوگر۔عورتوں کا موٹاپا۔پیٹ کا لٹک جانا۔ماہواری کا درد سے آنا۔سوزش کا ہونا۔دماغی طورپر اب نارمل ہونا۔کوئی بھی افراط و تفریط ہو ہارمونز سے گہرا تعلق رکھتے ہیں۔جب تک سبب دور نہ کیا جائے مریض خوار رہتا ہے اور معالج غیر معتبر ٹہرتا ہے۔معمولی توجہ سے پیچیدہ امراض کا علاج کیا جاسکتا ہے۔اس وقت مرد و خواتین کے پوشیدہ امراض کا بہت شور مچاہوا ہے۔ہر عورت موٹاپے کا رونا رو رہی ہے تو ہر مرد قوت رجولیت کا رونا رو رہا ہےانسانی جسم میں رطوبات اور ہارمونز کا کردار۔نامی کتاب جسے حکیم المیوات قاری محمد یونس شاہد میو اور سعد طبیہ کالج کے ماہرین نے جدید معلومات اور آرٹفیشل انٹلیجنس کی مدد سے تیار کیا ہے۔اس بنیاد پر انسانی جسم کی میں رطوبات کا کردار اور ہارمنز کی کارکردگی کو نمایاں کیا ہے۔کیونکہ یہ چیزں دیسی طب میں بہت کم بیان ہوئی ہیں۔البتہ جدید قسم کی تحقیقات پر نظر رکھنے والے معالجین اس بارہ میں بہتر معلومات رکھتے ہیں۔انسانی جسم میں رطوبات اور ہارمونز کا کردار۔یہ کتاب اے ۔ائی۔(A.I)۔ر آرٹفیشل انٹلیجنس(Artificial intelligence)۔۔۔۔ کی مدد سے لکھی گئی ہے۔اس لئے جدید میڈیکل سائنس کا موفق بھی پڑھنے کو ملے گا۔انسانی جسم میں رطوبات اور ہارمونز کا کرداریہ کسی دیسی طبیب یا طب نبویﷺ کے ماہر کی پہلی کوشش ہے کہ Artificial intelligence۔کی مددسے کوئی کتاب ترتیب دی گئی ہے۔یہ کتاب حکماء و معالجین اور سعد طبیہ کالج کے طلباء و متوسلین اور دیگر طالبین طب کو مفت دی جارہی ہے اس بارہ میں اپنی رائے ضرور دیں۔جب آپ لوگوں کی آراء موصول ہونگی تو اس کتاب کو طب نبویﷺ اور مفرد اعضاء کی کسوٹی پر پرکھا جائے گا۔ہارمونلز امراض کا شافی علاج۔اور بہترین غذائی چارٹ مہیا کیا جائے گا۔تاکہ ضرورت اپنی ضرورت کو اپنے دسترخوان پر پورا کرسکے۔ کتاب یہاں سے ڈائون لوڈ کریں