میو اجتماعی شادی۔کا ڈرائونا نتائج2

میو اجتماعی شادی۔کا ڈرائونا نتائج2

میو اجتماعی شادی۔کا ڈرائونا نتا ئج
تذلیل کو نئیو انداز۔
دوسری قسط۔(پہلی قسط کا اعتراضن کو جواب)
حکیم المیوات قاری محمد یونس شاہد میو

الحمد اللہ میرو دل میو قوم کی بہتری کے مارے دھڑکے ہے
لیکن کہا قوم کی ہمدردی یہی ہے کہ جو کچھ ہورو ہے
اُو غلط ہے،یا صحیح ہے ہون دئیو۔واپے بات مت کرو
۔کہا قوم پرستی یا بات کو نام ہے کہ
اچھی بُری باتن کے آگے بھیڑ کی طرح سِر جھکائے کھڑو رہے
موئے اندازہ نہ ہو کہ میری لکھی چند سطرن پے اتنو اودھم مچے گو
بڑا لوگن نے چھوٹان کی آج تک پروا نہ رہی ہے۔
کچھ باتن کی وضاحت کرنو ضروری سمجھو ہوں
میں کائی کی ذاتیات پے بات کرنو اور غیبت کرنو بُر و سمجھو ہوں
جو لوگ موئے جاناہاں۔
یا جن سو میرو تعلق ہے۔پتو کرسکوہو
میرا باپ کی نصیحت /وصیت ہی کہ
بیٹا کائی کے پئے بیٹھن سو پہلے ہزار بار سوچئو۔
اگر کدی اٹھنو پڑ جائے تو واکی غیبت مت کرئیو
موسو بہت سالوگن نے سوال کراہاں۔
ان کا جواب حاضر ہاں!
میں نے اپنی لکھائی میں مطلق میو قوم کی بات کری ہی۔
موکو۔۔۔ صدائے میو۔۔۔ جو ایک بڑو پلیٹ فارم
اور بہت سا لوگن کو نمائیندہ نام ہے
کا مہٰن سو جواب دئیو گئیو ۔
۔۔اقتباس حاضر خدمت ہے
([8:08 pm, 22/02/2023] طارق خلیل میوکاہنہ: ♥️[8:54 pm, 22/02/2023] +92 300 2481227: حکیم صاحب آپ کی ایک ایک بات کا جواب ہے لیکن فی الحال ٹائم نہیں فی الحال اتنا ہی کہوں گا کہ منہ پھاٹ پھاٹ کر جہیز مانگنا بھائیوں کا آپس میں حسد کرنا ایک دوسرے کی تذلیل کرنااپنوں کی تذلیل پر خوش ہونا اپنے نام کے ساتھ خود ہی بڑے بڑے القابات لگانا اپنوں کو چھوڑ کر غیروں کی غلامی کیا یہ سب ہماری روایات میں شامل ہیں[8:59 pm, 22/02/2023] +92 300 2481227
: حکیم صاحب آپ کا قصور نہیں طاہر اشرفی جیسے شخص کو اپنا لیڈر ماننے والے کی سوچ ایسی ہی ہوسکتی ہے[9:06 pm, 22/02/2023] +92 300 2481227:
آپنے یہ نہیں لکھا کہ جس قوم میں طلاق کا نام تک نہیں تھا
اس قوم کے ہردوسرے تیسرے گھر سے طلاق کی آواز کیوں سنائی دے رہی ہے
اگر سچائی جاننے اور دیکھنے کا حوصلہ ہو تو اجتماعی شادی کی تقریب میں آکر دیکھیں
کہ بچیوں کی کتنی تذلیل کی جاتی ہے جاہلوں کے ساتھ بیٹھ کر جاہلوں جیسی باتیں بیٹھک کا اثر تو پڑتا ہے)
۔۔۔۔۔۔۔۔۔۔
علامہ طاہر محمود اشرفی کا بارہ میں کچھ وضاحت۔۔
۔۔میں مولانا طاہر محمود اشرفی صاحب کو معالج ہوں۔۔۔
اُن سو میرا بہتر معاملات ہاں۔
طاہر اشرفی صاحب نے موکو بہترین قسم کاتحائف دیا۔
میرے مارے کعبۃ اللہ کے سامنے کی دکان سو رومال خریدکے تحفہ میں دئیو
پچھلا دنن میں واکو امیر قطر(بادشاہ) کا مہیں سو (شاہی ڈائری) ملی ہے
اشرفی صاحب نے میں بلائیو۔ڈائری دی اور کہن لگو
میرے مارے تو /توبھی (شاہ قطر) ہا۔
بڑان کی دائری بڑان کو ای ملنی چاہے
آج بھی اُو ڈائری میرے پئے موجود ہے۔۔
میں نے طاہر اشرفی کے پئے بیٹھ کے
قوم کا نام پے کوئی فائدہ نہ اُٹھائیو ہے
نہ میں نے قوم کو نیچو دکھائیو ہے۔
میں تو اتنو قوم پرست ہوں
میری بچپن سو لیکے آج تک سند (ڈگرین)پے بھی میو لکھو ہے
میرا شناختی کارڈ، میرو پاسپورٹ۔
میر ی ساری(80 کے قریب) کتاب۔میرو سوشل میڈیا۔
میری تعارف ۔۔لفظ میو کے بغیر مکمل ہی نہ ہے۔
میں نے 1998ء میں قران کریم کو سبن سو پہلے میواتی میں ترجمو کرو
میں نےٹھوس میوتی میں بیس(20) سو گھنی کتاب لکھی ہاں
میری کتاب ۔۔۔میواتی کھانا۔ میرو خیال ہے
سبن نے واکو نام سنو ہوئے گو۔
آج بھی میں میواتی میں لکھنو خداکو انعام سمجھو ہوں۔۔۔
یاکے علاوہ
بڑا ۔برا علمائے کرام جن میں
علامہ ڈاکٹر خالد محمودؒ (پی ایچ ڈی لنڈن)
بھی مجھ جیسا گنہ گار کو خدمت کا موقعہ دے چکاہاں۔
آج بھی نامور لوگ موسو طبی خدمات لیوا ہاں۔
یہ ساری بات میرے مارے اعزاز کی بات ہاں
۔۔۔۔۔۔۔۔۔۔
اب آئو اصل مدعا کا مہیں۔۔۔۔۔
حیرت کی بات میں قوم کی بات کروہوں۔۔
صدائے میو۔ میرا ذاتی تعلقات کو طعنہ دے رو ہے۔
یاکو مطلب ای ہے کہ۔ صدائے میو۔جائے میں خود بھی پڑھو ہوں
لیکن یاکا کرتا دھرتا اتنی سطحی سوچ کا مالک ہاں اندازہ نہ ہو؟۔
۔۔میں نےایک تجویز دی ہی۔
ادارہ نے میں اپنو مخالف سمجھو۔۔۔
مرضی ہے آپ لوگن کی؟
موکو اتنو بتا دئیو کہ جا نیک کام اے ۔
(اجتماعی شادی)نیک سمجھو ہو
تو میں پوچھنو چاہوں کہ
انتظامیہ کا لوگ بھی اولاد والا ہاں
کہا ان میں سو بھی کوئی یا نیکی میں شرکت کے ماری منتخب کرو ہے؟
جاسو قوم کا لیڈر مثال بنا ں کہ
۔۔دیکھو یاکام اے ہم قوم کی
باہن بیٹین کے مارے اچھو سمجھا ہاں۔
۔ہم نے خود اپنی بچین کو
یا رشتہ دارن کی یانیک کام میں شرکت کری ہے۔
کیونکہ لیڈر وے رہوا ہاں۔
جو اپنی قوم کو انہی باتن نے بتاواہاں ۔
جنن نے وے اچھی سمجھایا، اُن پے عمل کراہاں،
اللہ کو فرمان ہے
ـ(تم ایسی بات کائیں کو کہو جن باتن نے خود نہ کرو۔سورہ الصف)
رہی تنقید کی بات!
بھائی ،جولوگ تنقید سو پاک ہا، وے دنیا سو جاچکا،
۔۔۔۔باقی کال لکھونگو۔۔۔۔