پیپ
بر دراصل ایک رطوبت ہے یہ رطوبت کسی عضو پر پھوار کی صورت میں گرتی ہے جو اس کی غذا کے لئے وہاں آتی ہے وہ عضو کسی وجہ سے اسے استعمال میں نہ لا سکے اور وہ زیادہ دیر تک وہاں ٹھہری رہے تو اس میں حرارت عمل کرنا شروع کر دیتی ہے اور حرارت وہاں خمیر پیدا کرتی ہے اور یہ خمیر ایک قدرتی عمل ہے تاکہ اس میں تیزی پیدا ہو کر ورم کے جسم کو کھاناشروع کر دیتی ہے اور اس طرح پیپ کے اخراج کا راستہ بن جائے اور پیپ باہر خارج ہو جائے۔
پیپ بننے کا عمل
یہ ورم کا قدرتی علاج اور فطرتی عمل ہے اس سے ایک طرف تو جسم گرم رہتا ہے دوسرے اس عمل سے قدرت اس میں جراثیم پیدا کرتی ہے جو اس خمیر کو ختم کرناشروع کر دیتے ہیں زخم ورم میں رقیق رطوبت سائل صدیدی ہوتی ہے اور کثیف و غلیظ یا منجمد مادے اس جگہ کی نسیج اور جراثیم جو وہاں مردہ ہو چکے ہوتے ہیں اور کئی دوسرے زہریلے اجزاء جو وہاں پر اکٹھے ہو گئے ہوتے ہیں سب پیپ کی شکل اختیار کر لیتے ہیں اور یوں سوزش اور ورم کا ہر قسم کا مواد فاسدہ پیپ میں تبدیل ہو کر ورم سوزش کو ختم کر دیتے ہیں۔
پیپ کی علامات
پیپ جب کسی ورم میں پیدا ہوتی ہے تو مندرجہ ذیل علامات پیدا ہوتی ہیں۔
1 درد جلن جو ورم میں ہوتا ہے کم ہوناشروع ہو جاتا ہے۔
2 بخار کم ہو جاتا ہے یا اتر ہی جاتا ہے۔
3 بھوک بند ہو جاتی ہے۔
4 عام طور پر پسینہ آجاتا ہے۔
5 ضعف کی علامات شروع ہو جاتی ہے۔
6 اگر یہ ورم کسی عضور کیس کے قریب ہو تو فوراً جسم میں زہریلے اثرات پیدا ہونے شروع ہو جائے ہیں۔
پیپ کے فائدے
یہ گو ایک لیسدار بد بودار مواد ہے لیکن اس سے قدرت سوزش اور ورم کا علاج کرتی ہے اور مندرجہ ذیل فائدے اس عضو کو حاصل ہوتے ہیں۔
1 اس سے سوزش کم ہو جاتی ہے۔
2 اس سے ورم میں نرمی اور گڑھا پڑ جاتا ہے۔
3 ہر قسم کے جراثیم مر جاتے ہیں اور زہریلے جراثیم مر جاتے ہیں۔
4 جب ورم میں پیپ بن جاتی ہے تو بخار اتر جاتا ہے یا کم ہو جاتا ہے
5 جب پیپ بن جاتی ہے تو ورم کا زہریلا مواد جسم میں پھیلنے سے رک جاتا ہے۔ 6 اگر ورم میں پیپ پید انہ وہ تو جلد انسان کی موت واقع ہو جاتی ہے۔
پیپ کے نقصانات
1 پیپ زیادہ مدت تک رہے تو جسم کے اندر گر دا گر د سے کھا کر غار پیدا کر دیتی ہے۔
2 اگر یہ منجمد ہو جائے تو اس کا عمل رک کر اس جگہ غیر فطری عمل شروع ہو جاتا ہے۔
3 اس مقام پر بوجھ پیدا ہو جاتا ہے۔
4 اگر پیپ زیادہ دیر تک ایک ہی جگہ ٹھہری رہے تو اس میں پھر جراثیم پید اہو نا شروع ہو جاتے ہیں۔
5 اگر پیپ دوران خون میں شریک ہو جائے تو اس کے زہر سے بخار پیدا ہو جاتا ہے۔ 6 اگر پیپ زیادہ دیر تک ٹھہری رہے تو اس کی شدت سے وہاں کے اعضاء مردہ ہوناشروع ہو جاتے ہیں۔
7 اس کا سب سے بڑا نقصان یہ ہے کہ پیپ کی پیدائش کے ساتھ ہی خون کی پیدائش بھی کم ہو جاتی ہے۔
